ڈسکہ ضمنی الیکشن کل، مریم نواز نے اپنا پیغام جاری کردیا

(24 نیوز)ڈسکہ ضمنی الیکشن کیلئے پولنگ کل ہو گی،مسلم لیگ ن کی مرکزی نائب صدر مریم نواز نے این اے 75 ڈسکہ ضمنی الیکشن کیلئے اپنا پیغام جاری کردیا ۔
مریم نواز نے ضمنی الیکشن میں نوشین افتخار کی جیت کیلئے نیک خواہشات کا اظہارکیا ہے،مریم نواز نے اپنے پیغام میں کہاہے کہ میری ڈسکہ کی عوام سے اپیل ہے کہ پہلے سے زیادہ جوش جذبے کے ساتھ نکلیں اور نوشین افتخار کو جتوائیں۔
نائب صدر ن لیگ نے کہاکہ ڈسکہ کی عوام نے ووٹ چوروں سے اپنا حق چھینا ،ڈسکہ کی بہادری کی وجہ سے ووٹ کا حق انہیں دوبارہ ملا ہے ،ڈسکہ کی عوام آٹا، گیس اور بجلی چوروں کو سبق دینے کیلئے اپنے ووٹ کا حق استعمال کریں یہ حکومت جب تک رہے گی عوام پر ظلم اور ستم کے پہاڑ توڑتی رہے گی ،انہوں نے کہاکہ ڈسکہ کی غیور عوام سے التماس ہے کہ پہلے سے زیادہ جوش و جذبے کے ساتھ نکلیں اور شیر پر مہر لگائیں۔

ڈسکہ کل پوری قوم کے جذبات کی نمائندگی کرتے ہوئے ووٹ کے زریعے اس نااہل حکومت پر عدم اعتماد کرے گا جس نااہل حکومت کی وجہ سے ملکی بقا اور سلامتی کا خطرات لاحق ہو گئے ہیں۔
ڈسکہ کل جھوٹے وعدے کرنے والے ان عناصر کو بے نقاب کرے گا جو تین سال میں پاکستان کو تیس سال پیچھے لے گئے۔

— Maryam Nawaz Sharif (@MaryamNSharif) April 9, 2021