صدر پاکستان مسلم لیگ شعبہ خواتین  کے اعزاز میں شاندار استقبالیہ، کھلی کچہری اور ویلفیئر کیمپ کا انعقاد

ر( 24 نیوز)پاکستان مسلم لیگ (ق) کی خواتین ونگ کی مرکزی صدر و رکنِ قومی اسمبلی محترمہ آپا فرخ  خان کے اعزاز میں استقبالیہ تقریب مسلم لیگ ہاؤس میں قائد مسلم لیگ (ق) چوہدری شجاعت حسین اور چوہدری شافع حسین کی خصوصی ہدایت پر منعقد کی گئی۔ آپا فرخ کی آمد پر مسلم لیگ (ق) کے رہنماؤں، خواتین ونگ کی عہدیداران اور کارکنان کی بڑی تعداد نے ان کااستقبال کیا۔

استقبالیہ دینے والوں میں ندیم پہلوان، میاں وحید، ایم پی اے ثمین تاج، ایم پی اے شازیہ چاند، افتخار علی اعوان، ندیم پگاں والا، ناصر ہنجراہ، محمد یوسف، محمد احمد، عبدالجبار، شفیق بٹ، طاہر علی جعفری، حافظ طارق، آر کے رضا، وقار وکی، رمضان جٹ،،میڈم رفعت ساجد، میڈم  ماہا،میڈم فوزیہ، میڈم زاہدہ شفیق، میڈم ڈاکٹر سعادیہ، میڈم راحت خان، میڈم تاشفین صفدر، میڈم عزیزہ سعید اور دیگر خواتین رہنما شامل تھیں۔ فرخ خان کوآمد پر پھولوں کے گلدستے پیش کیے گئے ان کے تنظیمی و فلاحی کردار کو زبردست خراجِ تحسین پیش کیا گیا۔اپنے خطاب میں آپا فرخ نے کہا کہ پا کستان مسلم لیگ عوامی خدمت کے مشن پر گامزن ہے خواتین ونگ اس مشن کو مزید مؤثر انداز میں آگے بڑھا رہی ہے۔ ہم خواتین کو بااختیار بنا کر انہیں معاشرتی، تعلیمی اور معاشی میدان میں برابری کے مواقع فراہم کرنے کے لیے کوشاں ہیں۔ خواتین کی ترقی دراصل ملک کی ترقی ہے، اور مسلم لیگ (ق) ہمیشہ خواتین کے حقوق اور ان کے کردار کے تحفظ کے لیے عملی اقدامات کرتی رہے گی۔استقبالیہ تقریب کے بعد مسلم لیگ (ق) کے زیرِ اہتمام کھلی کچہری اور ویلفیئر کیمپ کا انعقاد کیا گیا۔ان سرگرمیوں کی نگرانی ندیم پہلوان (کوارڈینیٹر وزارتِ صنعت و تجارت پنجاب) نے کی۔کھلی کچہری میں شہریوں کے مسائل سنے گئے اور متعلقہ محکموں کے نمائندگان کو موقع پر ہی ان کے حل کے احکامات جاری کیے گئے۔اسی دوران حکومتِ پنجاب کی امدادی اسکیم کے تحت راشن کارڈ رجسٹریشن کیمپ بھی لگایا گیا، جس میں بڑی تعداد میں مستحق افراد نے رجسٹریشن کروائی۔آخر میں ندیم پہلوان نے تمام شرکاء اور میڈیا نمائندگان کا شکریہ ادا کرتے ہوئے کہا کہ تمام سرگرمیاں قائدینِ مسلم لیگ (ق) چوہدری شجاعت حسین اور چوہدری شافع حسین کی عوام دوستی اور خدمتِ خلق کے ویژن کی عملی مثال ہیں۔ ہماری جماعت ہمیشہ عوام کے درمیان رہ کر خدمت کو ترجیح دیتی ہے۔

یہ بھی پڑھیں:حکومت فلم انڈسٹری کی بحالی کیلئے سنجیدہ کوششیں کرے، سنیما بنانا لازمی قرار دیا جائے،مصطفیٰ قریشی ،غلام محی الدین

--