باپ سے لاتعلقی کا اظہار۔۔ گلوکار عدنان سمیع کو بھی پدما شری ایوارڈ  مل گیا

(مانیٹرنگ ڈیسک)پاکستانی شہریت چھوڑ کر بھارتی  شہری بننے  والے گلوکار و موسیقار عدنان سمیع خان کو بالاخر پدما شری ایوارڈ مل ہی گیا  ۔

تفصیلات کے مطابق معروف گلوکار و موسیقار عدنان سمیع خان کو بھارتی حکومت نے اپنے 71 ویں یوم جمہوریہ پر 26 جنوری 2020 کو اعلیٰ ترین ایوارڈ پدما شری دینے کا اعلان کیا تھا۔

عدنان سمیع خان نے بھارت  کے اعلیٰ ترین ایوارڈ پدما شری کے لئے اپنے والد کے فوجی کردار سے لاتعلقی کا اظہار کردیا تھا کیونکہ ان کے والد اورپاکستانی ائرفورس کے سابق افسر ارشد سمیع خان نے 65 کی جنگ میں اہم کردار ادا کیا تھا۔ تاہم کانگریس کےسابق  ترجمان ویرشیر گل نے عدنان سمیع کو پدما شری ایوارڈ دینے پر حکومت کو تنقید کا نشانہ بناتے ہوئے یہ بھی کہا تھا کہ موسیقار کو چمچا گیری کرنے پر ایوارڈ دیا جا رہا ہے۔

بھارتی صدررام ناتھ کووند نے انہیں راشٹرپتی بھون میں ہونے والی ایک تقریب میں پدما شری ایوارڈ سے نوازا ۔

#VIDEO || Popular Playback singer Adnan Sami (@AdnanSamiLive) conferred #PadmaShri by #PresidentKovind at @rashtrapatibhvn #PadmaAwards2020 #AdnanSami

via @PIB_India

For more on this, visit https://t.co/l3bgnHe0fV pic.twitter.com/8QLgWMMTUI

— Jagran English (@JagranEnglish) November 8, 2021

  
عدنان سمیع خان نے بھارتی و پاکستانی فلموں کے لئے متعدد گیت گائے اور انہیں پاکستانی اداکارہ زیبا بختیار سے ایک بیٹا اذان سمیع بھی ہے، جنہوں نے بطور موسیقار اور لکھاری  ڈیبیو کیا ہے۔

یاد رہے کہ عدنان سمیع خان اور زیبا بختیار نے 1993 میں شادی کی تھی تاہم بعد ازاں ان دونوں کے درمیان طلاق ہوگئی۔عدنان سمیع خان نے دوسری شادی 2001 میں عرب خاتون صباح گلادری سے ہوئی جو زیادہ عرصہ نہ چل سکی اور پھر انہوں نے 2010 میں جرمن نژاد رویا علی خان سے شادی کی جن سے انہیں مئی 2017 میں ایک بیٹی ہوئی۔وہ تیسری شادی کے بعد بھارت منتقل ہوگئے تھے اور انہیں 2016 میں بھارتی شہریت دی گئی تھی۔

 یہ بھی پڑھیں:سانوں معاف کردیو، بھارتی فوجیوں کی کان پکڑتے،معافیاں مانگتے تصاویر جاری