نسیم شاہ نے یادگار چھکے کس کے بلے سے مارے؟ قومی کرکٹر نے بتا دیا

(ویب ڈیسک)ایشیا کپ کے سپر فور مرحلے میں افغانستان کیخلاف آخری اوور میں نسیم شاہ نے بلا بدلا تھا اور اسی بلے سے انہوں نے لگاتار 2 گیندوں پر 2 چھکے لگائے۔
ایشیا کپ ٹی 20 کے اہم میچ میں پاکستان سنسنی خیز مقابلے کے بعد افغانستان کو ایک وکٹ سے ہرادیا، اس میچ کی خاص بات نسیم شاہ کے لگاتار 2 چھکے تھے، جس کے ذریعے پاکستان اس میچ میں سرخرو ہوا۔
کھیل ختم ہونے کے بعد نسیم شاہ نے اپنے انٹرویو میں کہا کہ آخری اوور میں وہ بیٹنگ کررہے تھے تو انہیں یقین تھا کہ وہ چھکے مار سکتے ہیں، کیونکہ وہ اس کےلئے نیٹ پر پریکٹس بھی کرتے ہیں۔

View this post on Instagram

A post shared by Pakistan Cricket (@therealpcb)

نسیم شاہ نے کہا کہ آخری اوور میں انہوں نے حسنین سے بلا تبدیل کیا، یہ میچ ان کے کیرئیر کا یادگار میچ بنا گیا۔نسیم شاہ کا کہنا تھا کہ افغانستان کے خلاف اچھی باﺅلنگ کی لیکن آج سب یہ بھول جائیں گے کہ میں باﺅلر بھی ہوں۔
افغانستان سے میچ سے متعلق نسیم شاہ نے کہا ہے کہ اس میچ سے ہم یہی بات کررہے تھے کہ ایشیا کپ کے فائنل میں پہنچنے کےلئے ہمیں یہ میچ جیتنا ہوگا۔

Watch again ???????????????? pic.twitter.com/YfUFBzOrrk

— Ihtisham Ul Haq (@iihtishamm) September 7, 2022

یہ بھی پڑھیں: عمران خان کو بڑا جھٹکا، سابق وزیر قانون نے پی ٹی آئی کو خیرباد کہہ دیا