مسلم کمیونٹی کو دیوار سے لگانے پر بھارت کا کردار کمزور ہو گیا ،امریکی اخبار

 (مانیٹرنگ ڈیسک)امریکی اخبار نے کہا ہے کہ مسلمانوں کیخلاف حکمراں بھارتیہ جنتہ پارٹی (بی جے پی) کے طرزعمل نے جنوبی ایشیا میں بھارت کی حیثیت تباہ کر دی ہے،  مودی سرکار بھارت کو ہندوریاست میں تبدیل کرنے کی کوشش کر رہی ہے۔

امریکی اخبار کے مطابق مسلمانوں کے خلاف بی جے پی کے طرز عمل کی وجہ سے چین کے لیے اپنی حیثیت منوانے کے نئےمواقع پیدا ہوئے ہیں، امریکی اخبار کی رپورٹ میں کہا گیا ہے کہ مودی سرکار بھارت کو ہندوریاست میں تبدیل کرنے کی کوشش کر رہی ہے، مسلم کمیونٹی کو دیوار سے لگانے سے بھارت کا روایتی کردار کمزور ہو گیا ہے۔

رپورٹ میں کہا گیا ہے کہ بی جے پی کے رویے کی وجہ سے چین نے بھارت کے حریف ممالک سے قریبی تعلقات پیدا کرنا شروع کر دیے ہیں،اس حوالے سے بھارت کے سابق وزیر خارجہ یشونت سنہا کا کہنا ہے کہ ہم کسی کو کیا روکیں جب ہم خود ہی مجرم بن چکے ہیں۔
 یہ بھی پڑھیں:    عراق۔ وزیراعظم پرقاتلانہ حملہ۔مصطفیٰ الکاظمی حملے میں محفوظ