صدر پاکستان، وزیر اعظم ،وزیر اعلیٰ،وزیر اطلاعات اور اہم شخصیات کا دلیپ کمار کی وفات پراظہار تعزیت

(24نیوز)یوسف خان المعروف دلیپ کمار آج صبح انتقال کر گئے ، صدر پاکستان ڈاکٹر عارف علوی ،وزیر اعظم عمران خان، وزیر اعلیٰ عثمان بزدار ، وزیر اطلاعات فواد چودھری اور کرکٹ ٹیم کے سابق کپتان شاہد آفریدی نےاظہار تعزیت کیا ، جبکہ دوسری جانب شوبز شخصیات نے بھی دلیپ کمار کے انتقال پر گہرے دکھ اور افسوس کا اظہار کیا۔

 صدرِ پاکستان ڈاکٹر عارف علوی نے لیجنڈری اداکار دلیپ کمار کے انتقال پر گہرے دُکھ کا اظہار کیا ہے۔انہوں نے سوشل میڈیا پر جاری پیغام میں کہا کہ ’دلیپ کمار کو اپنے دنیاوی گھر سے رخصت ہوتا دیکھ کر افسوس ہوا صدرِ مملکت نے کہا کہ وہ ایک عمدہ اداکار، شائستہ انسان اور ایک باوقار شخصیت کے حامل تھے۔صدرِ مملکت نے تعزیت کا اظہار کرتے ہوئے کہا کہ ’انکے انتقال پر اہل خانہ اور مداحوں کی بڑی تعداد سے تعزیت، اللہ انکی روح کو سکون بخشے۔‘

Sorry to see Dilip Kumar (Yusuf Khan) depart from his worldly abode. An outstanding actor, a humble man, and a dignified personality. Condolences to the immediate family and his huge family of admirers. May his soul rest in peace. اِنَّا لِلّٰہِ وَاِنَّآ اِلَیْہِ رَاجِعُوْنَ

— Dr. Arif Alvi (@ArifAlvi) July 7, 2021

وزیراعظم عمران خان نے بالی ووڈ کے لیجنڈری اداکار یوسف خان المعروف دلیپ کمار کے انتقال پر گہرے دُکھ کا اظہار کرتے ہوئے کہا کہ وہ دلیپ کمار کی سخاوت کو کبھی نہیں بھول سکیں گے۔عمران خان نے ٹوئٹر پر جاری پیغام میں دلیپ کمار کو خراجِ عقیدت پیش کیا اور کہا کہ دلیپ کمار کے انتقال کے بارے میں جان کر بہت رنج ہوا۔

Saddened to learn of Dilip Kumar's passing. I can never forget his generosity in giving his time to help raise funds for SKMTH when project launched. This is the most difficult time - to raise first 10% of the funds & his appearance in Pak & London helped raise huge amounts.

— Imran Khan (@ImranKhanPTI) July 7, 2021

 عثمان بزدار نے کہا کہ دلیپ کمار نے کئی دہائیوں تک فلم بینوں کے دلوں پر راج کیا اور اُنہوں نے اپنی اداکاری کے انمنٹ نقوش چھوڑے۔اُنہوں نے کہا کہ ہم دلیپ کمار کے انتقال پر سوگوار خاندان سے دلی ہمدردی اور تعزیت کرتے ہیں۔ وزیراعلیٰ پنجاب نے مزید کہا کہ اللّہ تعالیٰ مرحوم کی روح کو جوار رحمت میں جگہ دے اور پسماندہ کو صبر جمیل عطا فرمائے۔

قومی کرکٹ ٹیم کے سابق کپتان شاہد آفریدی نے کہا ہے کہ دلیپ کمار کا انتقال خیبر پختونخوا سے لیکر ممبئی تک کا بہت بڑا نقصان ہے۔سابق کپتان نے اپنے ٹوئٹ میں لکھا کہ ’بے شک! ہم اللّہ تعالیٰ کی طرف سے آئے ہیں اور ہمیں اُسی کی طرف لوٹ کر جانا ہے،اُنہوں نے لکھا کہ ’خیبرپختونخوا سے لیکر ممبئی اور پوری دنیا میں یوسف خان صاحب (دلیپ کمار) کے پرستاروں کے لیے ایک بہت بڑا نقصان ہے۔شاہد آفریدی نے لکھا کہ ’دلیپ کمار صاحب ہمارے دلوں میں زندہ ہیں اور ہمیشہ رہیں گے۔

 وفاقی وزیر برائے اطلاعات فواد چوہدری کا نامور اداکار دلیپ کمار کے انتقال پر کہنا ہے کہ دلیپ کمار کی وفات فلمی دنیا کے لیے ایک بڑا نقصان ہے۔فواد چوہدری نے اداکار دلیپ کمار کے انتقال پر اظہار افسوس کرتے ہوئے کہا ہے کہ دلیپ کمار کی وفات فلمی دنیا کے ایک سنہری عہد کا تمام ہونا ہے، بھارتی فلم نگری میں یوسف خان بن کر جانے والے کو دلیپ کمار کی غیر معمولی شہرت نے بام عروج پر پہنچا دیا۔

 دوسری جانب پاکستان کی شوبز شخصیات نے بھی دلیپ کمار کے انتقال پر گہرے رنج و غم کا اظہار کیا ہے۔