سری لنکن گلوکارہ کے ہمراہ رمیز راجا کی گانا گانے کی کوشش، ویڈیو وائرل

(ویب ڈیسک) سری لنکن گلوکارہ کے ہمراہ رمیز راجا کی مشہور و معروف گانا مانیکے گانےکی کوشش، ویڈیو سوشل میڈیا پر وائرل ہو گئی۔

پاکستان کرکٹ ٹیم کے سابق کپتان اور پاکستان کرکٹ بورڈ (پی سی بی) کے سابق چیئرمین رمیز راجا کی طرف سے سری لنکن گلوکارہ یوہانی کے ہمراہ ان کا مشہور گانا مانیکے گانےکی کوشش کی گئی جس کی ویڈیو خوب وائرل ہو گئی ہے۔رمیز راجا اور یوہانی کی یہ دلچسپ ویڈیو لنکا پریمیئر لیگ کے ٹوئٹر اکاؤنٹ سے شیئر کی گئی جو اب سوشل میڈیا کے کئی پلیٹ فارمز پر وائرل ہے۔

یہ بھی پڑھیں: ورلڈ کپ میں پاکستان کرکٹ ٹیم کی شمولیت، دفتر خارجہ سے اہم خبر آ گئی

ویڈیو کے کیپشن میں لکھا گیا کہ ’’یہ ایک بیٹنگ لیجنڈ ہیں تاہم رمیز راجا کی گلوکاری کی مہارت یوہانی کے ساتھ کتنی اچھی ہے؟ کیا رمیز یوہانی کو چیلنج کرسکتے ہیں؟‘‘

واضح رہے کہ یوہانی لنکا پریمیئر لیگ کی امبیسڈر ہیں اور انہوں 2020 میں مانیکے گانا گایا تھا جس کو پاکستان اور بھارت سمیت دنیا بھر میں مقبولیت ملی، ان کے اس گانے کو بالی ووڈ کی ایک فلم تھینک گاڈ میں بھی شامل کیا گیا تھا۔

He is a batting legend, but how good is Ramiz Raja’s singing skill next to Yohani? Can Yohani take up a challenge from Ramiz? Find out!

Be part of the action. Get your tickets now!

Book online via BookMyShow ???? https://t.co/Ee5f50Jmn4#LPL2023 #LiveTheAction pic.twitter.com/rUvpmaVzTU

— LPL - Lanka Premier League (@LPLT20) August 5, 2023

خیال رہے کہ سابق پاکستانی بلے باز لیجنڈری رمیز راجا سری لنکا میں ہونے والی پاکستان کی ٹیسٹ سیریز کے بعد ابھی تک سری لنکا میں ہی موجود ہیں، وہ لنکا پریمیئر لیگ کے کمنڑی پینل کا حصہ ہیں اور اپنی خوبصورت آواز کا جادو چلا رہے ہیں۔