ایپل کمپنی میں ملازمت کیلئے کن خصوصیات کا ہونا ضروری ہے؟

Oct 06, 2022 | 13:00:PM
فائل فوٹو
کیپشن: ایپل کمپنی میں ملازمت کیلئے کن خصوصیات کا ہونا ضروری ہے؟
سورس: Google
Stay tuned with 24 News HD Android App
Get it on Google Play

(ویب ڈیسک )ٹیکنالوجی سے دلچسپی رکھنے والے ہر شخص کی خواہش ہوسکتی ہے کہ وہ امریکی ٹیکنالوجی کمپنی ایپل میں ملازمت کرے، تاہم اس کے لیے ان میں کچھ خصوصیات کا ہونا ضروری ہے۔  

نجی ٹی وی کی رپورٹ کے مطابق ایپل کے چیف ایگزیکٹو آفیسر (سی ای او) ٹم کک نے بتایا ہے کہ وہ کمپنی کے لیے ملازمت پر رکھنے والے ملازمین میں کونسی خوبیاں تلاش کرتے ہیں، تو اگر آپ میں یہ خوبیاں ہیں تو آپ بھی ایپل جیسی بڑی کمپنی میں نوکری حاصل کرسکتے ہیں۔

ایک اطالوی یونیورسٹی کے افتتاحی تقریب کے دوران دیے گیے انٹرویو میں ٹم کک کا کہنا تھا کہ ایپل کی کامیابی کا براہ راست تعلق اس کی ثقافت سے ہے۔اسی انٹرویو کے دوران ایپل کے سی ای او نے ان خصوصیات کے بارے میں بات کی جو کمپنی ملازمت دیتے وقت اپنے امیدواروں میں دیکھتی ہے، وہ خصوصیات کون سی ہیں؟

ٹم کک نے کہا کہ چونکہ ایپل اپنی مصنوعات مشترکہ کوششوں سے بناتا ہے، اس لیے یہ ضروری ہے کہ کمپنی کا ہر ایک ملازم باہمی تعاون اور مل جل کر ایک ٹیم کی صورت میں کام کرے۔

ایپل کے سی ای او نے کہا کہ کمپنی ان لوگوں کو تلاش کرتی ہے جو مختلف سوچتے ہیں، جو کسی مسئلے کو مختلف طریقے سے حل کرنے کی قابلیت رکھتے ہیں۔ اس کے علاوہ ان میں کچھ نیا کرنے کی جستجو ہو۔

اس کے علاوہ کک نے کہا کہ وہ ایسے لوگوں کو پسند کرتے ہیں جو بچوں کی طرح سوال کرتے ہیں، وہ کچھ نیا کرنے اور سیکھنے کے لیے تجسس میں لگے رہتے ہیں۔

آخر میں کک نے بتایا کہ ایپل کمپنی چاہتی ہے کہ وہ متعلقہ شعبے میں مہارت رکھنے والے افراد کو اپنی ٹیم میں شامل کرے، ایسے ملازمین جو اپنے کام میں مکمل مہارت رکھتے ہوں وہ ہماری کمپنی کے ساتھ اچھا کام کرسکتے ہیں۔

انہوں نے کہا کہ ملازمین میں یہ خوبیاں ہوں تو کمپنی اچھے ماحول میں بہتر کام کرتی ہے۔