سابق امریکی صدر جوبائیڈن کی سرجری، جسم سے کینسر زدہ خلیے نکال دیے گئے

(ویب ڈیسک)کینسر میں مبتلا سابق امریکی صدر جوبائیڈن کی کامیاب سرجری کرکے کینسرزدہ خلیے نکال دیئے گئے۔
غیر ملکی خبر رساں ادارے کے مطابق کینسر کے علاج کیلئے سابق امریکی صدر جوبائیڈن کی سرجری کی گئی جس میں ان کی جلد سے کینسر زدہ خلیے نکال دیئےگئے ہیں۔
 سابق امریکی صدر کے ترجمان کے مطابق جوبائیڈن کی صحت بہترہو رہی ہے اور وہ مکمل آرام کر رہے ہیں۔
طبی ماہرین کے مطابق سابق امریکی صدر کو اب مزید علاج کی ضرورت نہیں، اس سے قبل 2023 میں بھی جوبائیڈن کی چھاتی سےکینسرزدہ خلیہ نکالا گیا تھا۔

یہ بھی پڑھیں:ٹرمپ نےامریکاجاپان تجارتی معاہدے کے ایگزیکٹو آرڈر پر دستخط کردیئے
واضح رہے کہ کچھ ماہ قبل سابق امریکی صدر جو بائیڈن کے آفس کی جانب سے جاری بیان میں بتایا گیا تھا کہ جوبائیڈن کو پروسٹیٹ کینسر کی تشخیص ہوئی ہے، بتایا گیا تھا کہ کینسر جو بائیڈن کی ہڈیوں تک پھیل چکا ہے۔