الیکشن کمیشن کا سینیٹ کےعام انتخابات 3اپریل کو کرانے کا فیصلہ

(راؤدلشاد،عثمان خان ) الیکشن کمیشن نےسینیٹ کی 48 خالی نشستوں پرعام انتخاب 3 اپریل کو کرانے کا فیصلہ کرلیا۔

ذرائع الیکشن کمیشن کے مطابق  سینیٹ کی 48 نشستوں پر انتخابات اپریل کے پہلے ہفتے میں کروانے کا فیصلہ  کیا گیا ہے، ‏الیکشن کمیشن نے سینیٹ کے عام انتخابات کا شیڈول تیار کرلیا۔
‏سینیٹ کے انتخابات کیلئے پولنگ3اپریل کو قومی و چاروں صوبائی اسمبلیوں میں ہوگی،‏3 اپریل کو سندھ،پنجاب سے12،12 ، اسلام آباد کے 2 سینیٹرز کاانتخاب ہوگا جبکہ خیبر پختوانخواہ اور بلوچستان سے11،11نئے سینیٹرز منتخب ہوں گے۔

یہ بھی پڑھیں:وزیراعلیٰ خیبرپختونخوا علی امین گنڈا پور آج اڈیالہ جیل جائیں گے
‏سینیٹ کے52سینیٹرز11مارچ کو اپنی مدت پوری کرکے ریٹائرہوجائیں گے، جن میں  پنجاب اور سندھ کے 12،12جبکہ سابقہ فاٹا کے4سینیٹرز ریٹائرڈ ہوجائیں گے، اس کے علاوہ ‏خیبرپختوانخواہ وبلوچستان کے 11،11جبکہ اسلام آباد کے2 سینیٹرز مدت پوری کر جائیں گے۔
‏تاہم 25ویں آئینی ترمیم کے تحت سابقہ فاٹا کے 4 سینیٹ نشستوں پر دوبارہ انتخاب نہیں ہوگا۔

ذرائع الیکشن کمیشن نے بتایا کہ سینٹ انتخابات کے شیڈول کی حتمی منظوری چیف الیکشن کمشنر اور ممبران دیں گے۔