معروف امریکی گلوکار کلر مائیک گریمی ایوارڈز کی تقریب سے گرفتار

(ویب ڈیسک) معروف امریکی ریپ گلوکار اور سماجی کارکن کلر مائیک کو گریمی ایوارڈز کی تقریب سے گرفتار کرلیا گیا۔

بین الاقوامی میڈیا رپورٹس کے مطابق 4 فروری کو لاس اینجلس میں ہونے والی گریمی ایوارڈز کی تقریب میں معروف ریپر کلر مائیک نے میوزک انڈسٹری کے تین سب سے بڑے ایوارڈز اپنے نام کیے تھے۔

گریمی ایوارڈز کی تقریب میں تین بڑے اعزاز اپنے نام کرنے کے بعد ریپر کلر مائیک کو گرفتار کیا گیا، پولیس ہتھکڑیاں لگا کر گلوکار کو تقریب سے گرفتار کرکے لیکر گئی۔

???? WATCH: Rapper Killer Mike gets arrested after winning three Grammys.

pic.twitter.com/t2zdrC0bhJ

— Benny Johnson (@bennyjohnson) February 5, 2024

رپورٹ میں بتایا گیا کہ لاس اینجلس پولیس نے گلوکار کی گرفتاری پر کوئی بیان نہیں دیا جبکہ ڈیوٹی پر موجود دو الگ الگ افسران نے کہا کہ ان کے پاس بھی کوئی معلومات نہیں ہے۔

مزید پڑھیں:   (ن) لیگ  الیکشن جیت کر ملک کو مشکلات سے نکالے گی: رانا ثنااللہ 

دوسری جانب کچھ میڈیا رپورٹس میں یہ بتایا جارہا ہے کہ گلوکار کو ایرینا کے اندر ایک جھگڑے کی وجہ سے گرفتار کیا گیا ہے۔

واضح رہے کہ کلر مائیک ریپ گلوکار ہونے کے ساتھ ساتھ سماجی کارکن بھی ہیں، وہ نسل پرستی اور پولیس کی بربریت جیسے مسائل کے خلاف آواز اُٹھاتے ہیں۔