پرویز مشرف بھارت کے ناقابلِ تسخیر دشمن تھے،بھارتی رکن پارلیمنٹ ششی تھرور نے اعتراف کر لیا

(24 نیوز )بھارتی کانگریس کے رکنِ پارلیمنٹ ششی تھرور نے سابق صدر جنرل ریٹائرڈ پرویز مشرف کے انتقال پر منفرد انداز میں  افسوس کا اظہار کیا ہے ۔

تفصیلات کے مطابق ششی تھرور نے مائیکرو بلاگنگ ویب سائٹ ٹوئٹر پر پرویز مشرف کے انتقال پر تعزیتی پیغام میں کہاکہ پاکستان کے سابق صدر پرویز مشرف طویل عرصے تک زیرِ علاج رہنے کے بعد لا علاج بیماری کے باعث انتقال کر گئےہیں ، وہ بھارت کے ناقابل تسخیر دشمن تھے جو 2002ءسے2007ءکے درمیان امن کے لیے ایک حقیقی طاقت بنے۔

“Pervez Musharraf, Former Pakistani President, Dies of Rare Disease”: once an implacable foe of India, he became a real force for peace 2002-2007. I met him annually in those days at the @un &found him smart, engaging & clear in his strategic thinking. RIP https://t.co/1Pvqp8cvjE

— Shashi Tharoor (@ShashiTharoor) February 5, 2023

ششی تھرور نے لکھا کہ پرویز مشرف کے دورِ اقتدار میں میری اقوام متحدہ میں ان سے سالانہ ملاقات ہوتی تھی، میں نے انہیں حکمتِ عملی اور سوچ میں بہت ہوشیار اور صاف گو پایا، بھارتی کانگریس کے رکنِ پارلیمنٹ نے سابق صدر پرویز مشرف کے دنیا سے جانے پر دلی جذبات کا اظہار بھی کیا ہے، واضح رہے کہ سابق صدر جنرل ریٹائرڈ پرویز مشرف 79 برس کی عمر میں دبئی میں انتقال کر گئے۔