کراچی پرامن ، کھلاڑیوں کو کوئی خطرہ نہیں، گورنر سندھ

(24نیوز)گورنر سندھ عمران اسماعیل کاکہناہے کہ اس بار پی ایس ایل میچ میں سڑکیں بند نا کی جائیں ، کراچی میں امن و امان کی صورتحال بہتر ہے ، کسی کھلاڑی کو کوئی خطرہ نہیں۔
میڈیا سے گفتگو کرتے ہوئے عمران اسماعیل نے کہاکہ کشمیر میں جو ظلم و ستم اور بربریت ہے اس کےخلاف حکومت پاکستان اپنی آواز بلند کر رہی ہے ۔وزیر اعظم عمران خان نے مسئلہ کشمیر کو یو این میں اٹھایا ، موجودہ حکومت کشمیریوں کو آزاد کروانے کی پوری جدوجہد کر رہی ہے ۔
گورنر سندھ کاکہناتھا کہ یوم کشمیر پر اس طرح کے میچ ہونا خوش آئند ہے ، آج کے کشمیر کپ میچ میں وفاقی وزیر علی زیدی بھی کھیل رہے ہیں ، علی زیدی جس طرح اپنی منسٹری میں کامیابی سے کام کررہے ہیں امید ہے آج کے میچ میں بھی اچھی کارکردگی دکھائیں گے ۔