دی ہنڈریڈ: سن رائزرز لیڈز نے ریکارڈز کی جھڑی لگا دی، تاریخ کا سب سے بڑا اسکور بنا دیا

(24نیوز)دی ہنڈریڈ کے سنسنی خیز مقابلے میں سن رائزرز لیڈز نے شاندار بیٹنگ کا مظاہرہ کرتے ہوئے کئی نئے ریکارڈ اپنے نام کرلئے۔

ہیڈ  نگلے میں کھیلے گئے میچ میں سن رائزرز لیڈز نے لندن اسپرٹ کے خلاف طوفانی بیٹنگ کرتے ہوئے صرف 2 وکٹوں کے نقصان پر 241 رنز کا پہاڑ کھڑا کر دیا، جو دی ہنڈریڈ کی تاریخ کا سب سے بڑا ٹیم اسکور بن گیا۔

ریان ریکلٹن نے جارحانہ انداز اپناتے ہوئے 42 گیندوں پر ناقابل شکست 94 رنز کی شاندار اننگز کھیلی، جبکہ مچل مارش نے 37 گیندوں پر 76 رنز بنا کر ٹیم کو مضبوط بنیاد فراہم کی۔ دونوں اوپنرز نے پہلی وکٹ کے لیے 148 رنز کی ریکارڈ شراکت داری قائم کی۔

Mitch Marsh: 76 (37)
Ryan Rickelton: 94* (42)
Harry Brook: 55 (18)

Absolute carnage at Headingley as Sunrisers Leeds posted 241-2, the highest team total in the men's Hundred #TheHundred pic.twitter.com/2XaLpAWtod

— Wisden (@WisdenCricket) August 4, 2026

انگلش بیٹر ہیری بروک نے بھی اپنی دھواں دار بیٹنگ سے شائقین کو محظوظ کیا اور صرف 15 گیندوں پر دی ہنڈریڈ کی تیز ترین نصف سنچری مکمل کر دی۔ انہوں نے 5 چھکوں اور 5 چوکوں کی مدد سے 18 گیندوں پر 55 رنز بنا کر اسکور کو ریکارڈ بلندی تک پہنچانے میں اہم کردار ادا کیا۔

Simply astonishing ????

The MOST RUNS EVER in one #TheHundred innings ????#RoadToTheEliminator pic.twitter.com/m35Axb0Llx

— The Hundred (@thehundred) August 4, 2026

سن رائزرز لیڈز نے ریکارڈ ساز کارکردگی کے بعد لندن اسپرٹ کو 37 رنز سے شکست دے دی اور پلے آف کی دوڑ میں اپنی امیدیں مزید مضبوط کر لیں، جبکہ لندن اسپرٹ پوائنٹس ٹیبل پر ساتویں نمبر پر موجود ہے۔