تاجر برادری کو سہولت دیئے بغیر ترقی ناممکن ہے:  بلاول بھٹو زرداری 

(24نیوز)وزیر خارجہ بلاول بھٹو زرداری نے کہا ہےکہ تاجر برادری کو سہولت دیئے بغیرترقی نا ممکن ہے، تجارت کے فروغ کے بغیر معاشی استحکام کا سفر طے نہیں کیاجاسکتا۔

تفصیلات کے مطابق کراچی چیمبر آف کامرس میں تقریب سے خطاب کرتے ہوئے  بلاول بھٹو زرداری نے کہا کہ معیشت کی ترقی میں چیمبر آف کامرس کا کلیدی کردارہوتا ہے اور تاجر برادری کو سہولت دیے بغیرترقی نا ممکن ہے، متعدد ملکوں کے ساتھ فری ٹریڈ معاہدے کئے گئے ہیں، تجارت کے فروغ کے بغیر معاشی استحکام کا سفر طے نہیں کیاجاسکتا،پاکستان معدنیات اور قدرتی وسائل سے مالا مال ملک ہے، جغرافیائی لحاظ سے پاکستان انتہائی اہمیت کا حامل ملک ہے۔

I have always advocated that businessmen and women possess unique qualities that make them effective ambassadors in certain contexts. Their expertise in international trade, commerce & business enables them to bridge gaps between nations, and foster economic cooperation - FM… pic.twitter.com/fWLC8lZXBy

— PPP (@MediaCellPPP) August 5, 2023

 بلاول بھٹو زرداری کا کہنا تھا کہ تجارت اور سرمایہ کاری کے فروغ سے روزگار کے مواقع پیدا ہوتے ہیں، صدر زرداری کے دور میں معاشی فیصلے کاروباری برادری کے بغیرنہیں ہوتے تھے۔

دوسری جانب چیئرمین تحریک انصاف عمران خان کی گرفتاری پر وزیر خارجہ بلاول بھٹو زرداری نے اسے مکافات عمل قرار دیا۔