وسطی اسرائیل نئے ایرانی میزائل حملے کی زد میں آگیا، کم از کم 12 زخمی ہونے کی تصدیق

(ویب ڈیسک)  ایران نے وسطی اسرائیل  پر مزید میزائل داغ دیئے ۔ اسرائیلی فوج نے ایران کے نئے میزائل حملوں کی تصدیق کردی ۔

اسرائیلی ایمرجنسی سروسز کے حکام نے  بتایا کہ حملے کے بعد سرچ اینڈ ریسکیو فورسز اور متعدد ہنگامی ٹیمیں متاثرہ مقامات پر کام کر رہی ہیں۔

 ابتدائی اطلاعات کے مطابق  ایران سے  فائرکئے گئے میزائلوں کے نئے حملے میں  12 سے زائد زخمی ہوئے ہیں ۔ ریسکیو ٹیمیں اب بھی ملبے سے افراد کو نکالنے میں مصروف ہیں۔

یہ بھی پڑحیئے:  ابھی روانہ ہو جاؤ: لاکھوں  امریکیوں کو اسرائیل اور مشرق وسطیٰ کے تقریباً تمام ممالک فوراً چھوڑنے کاحکم

ہنگامی مدد کے ادارے میگن ڈیوڈ ایڈوم نے وسطی اسرائیل پر ایرانی میزائل حملے میں زخمی ہونے والوں کی تعداد بڑھا کر 12 کردی ہے۔

ایم ڈی اے کا کہنا ہے کہ اس نے 40 سال کی ایک خاتون کا بھی علاج کیا جو ایک دھماکے سے زخمی ہوئی تھی، اور 11 دیگر افراد  کی شیشے کے ٹکڑوں اور دھماکوں کی زد میں آنے کے بعد  مرہم پٹی کی گئی ہے۔ یہ سب اچھی حالت میں ہیں۔