پاکستان سٹاک مارکیٹ میں انڈیکس پہلی بار 1 لاکھ 31 ہزار پوائنٹس کی حد عبور کر گیا، ڈالر بھی سستا

(احسن عباسی) پاکستان سٹاک ایکسچینج میں ہنڈرڈ انڈیکس پہلی بار 1 لاکھ 31 ہزار پوائنٹس کی حد عبور کر گیا۔

کاروباری ہفتے کے چوتھے روز بھی کاروبار کے آغاز پر سٹاک مارکیٹ میں زبردست تیزی ریکارڈ کی گئی، 800 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 31 ہزار 325 پوائنٹس کی سطح پر پہنچ گیا۔

مزید پڑھیں:پاکستان ریلویز نے کرایوں میں اضافہ کر دیا، نوٹیفکیشن جاری

معاشی اشاریوں میں بہتری اور سرمایہ کاروں کی دلچسپی کو اس تیزی کا باعث قرار دیا جا رہا ہے۔

تجزیہ کاروں کے مطابق بجٹ کے بعد کاروباری فضا میں اعتماد بحال ہوا ہے، جبکہ معاشی پالیسیوں میں تسلسل کے باعث سرمایہ کاری میں بہتری کے امکانات بڑھ گئے ہیں۔

 مارکیٹ میں آئندہ دنوں میں بھی تیزی کا امکان ظاہر کیا جا رہا ہے۔

دوسری طرف انٹر بینک میں امریکی ڈالر 15 پیسے سستا ہوگیا
ڈالر 283.95 روپے سے کم ہوکر 283.80 روپے پر پہنچا،