سپریم کورٹ؛ پنجاب اور خیبرپختونخوا انتخابات کیس کی سماعت کل ہوگی

(24 نیوز)پنجاب اورکے پی کے انتخابات کے معاملے پر سپریم کورٹ میں کیس کی سماعت کل ہو گی،چیف جسٹس پاکستان جسٹس عمر عطا بندیال کی سربراہی میں تین رکنی بنچ ساڑھے 11 بجے سماعت کرے گا۔
تفصیلات کے مطابق حکومتی اتحاد کی 3 جماعتوں نے موجودہ بنچ پر اعتراض عائد کرنے کافیصلہ کیاہے،اٹارنی جنرل اور سیاسی جماعتوں کے وکلا کل بنچ پر اعتراضات اٹھائیں گے ،حکومت میں شامل جماعتیں چیف جسٹس پاکستان سے فل کورٹ بنانے کی استدعا کریں گی ،فل کورٹ کی استدعا مسترد ہونے پر عدالتی کارروائی کا بائیکاٹ کرنے کا بھی فیصلہ کیا ہے۔

یہ بھی پڑھیں: وفاقی وزیر تعلیم نے پی ٹی آئی کی اہم وکٹ اڑا دی
چیف جسٹس پاکستان کے اختیارات کیلئے فل کورٹ بلانے کیلئے مختلف فیصلے جاری کئے گئے ،جسٹس جمال مندوخیل اور جسٹس امین الدین خان پہلے ہی بنچ سے علیحدہ ہو چکے ہیں ،جسٹس جمال مندوخیل نے فل کورٹ بنائے جانے کی صورت میں کیس سننے پر رضا مندی ظاہر کررکھی ہے۔
تحریک انصاف نے موجودہ بنچ پر مکمل اعتماد کرنے کا اعلان کیا تھا،عمران خان کاکہناہے انہیں موجودہ بنچ یا فل کورٹ کے مقدمہ سننے پر کوئی اعتراض نہیں ، پی ٹی آئی نے پنجاب کے انتخابات8 اکتوبر تک ملتوی کرنے کی درخواست دائر کر رکھی ہے۔

یہ بھی پڑھیں: پیٹرولیم مصنوعات کی قیمتوں میں اضافے سے متعلق افواہیں، وزارت خزانہ کا بیان سامنے آگیا