افغانستان میں حملے کر سکتے ہیں۔طالبان کی اجازت کی ضرورت نہیں ۔امریکا

Oct 01, 2021 | 20:41:PM
افغانستان۔حملے۔اجازت۔امریکا
کیپشن: فائل فوٹو۔امریکی محکمہ دفاع

 (نیوز ایجنسی)امریکی محکمہ دفاع پینٹاگان کے ترجمان نے کہا ہے کہ امریکی افواج کے مکمل انخلا کے باوجود امریکیوں اور افغان شہریوں کی کابل سے بیرون ملک منتقلی کے لئے کی کوششیں جاری رکھے گا۔

میڈیارپورٹس کے مطابق طالبان کی اجازت کے بغیر افغانستان میں طیاروں کی پروازوں کے بارے میں ایک سوال کے جواب میں انہوں نے کہا کہ امریکا کو آپریشن کرنے اور اپنے شہریوں کے تحفظ کا اختیار حاصل ہے۔ اس کے لئے ہمیں طالبان سے اجازت لینے کی کوئی ضرورت نہیں۔امریکی فوج کے کمانڈر جنرل گلین وانہیرک نے ایک بیان میں کہا کہ 53 ہزار افغانی امریکا میں فوجی بیرکوں میں ہیں اور وہ امیگریشن کاغذات کی تکمیل تک رہیں گے۔ انہوں نے واضح کیا کہ خسرہ وبا کی وجہ سے مہاجرین کی نقل و حمل کے لئے پروازیں فی الحال معطل ہیں تاہم ان کی جلد بحالی کی امید ہے۔انہوں نے کہا کہ افغانی پناہ گزینوں میں دو افراد ایسے ہیں جنہیں مجرمانہ الزامات کے تحت گرفتار کیا گیا جبکہ وہ امریکی بیرک میں تھے۔افغان فوج میں افسروںسے ڈیلنگ اوردوسرے افغان شہریوں کے ساتھ معاملات کے حوالے سے بات کرتے ہوئے شمالی کمان کے سربراہ نے کہا کہ ہم ہرایک کے ساتھ یکساں سلوک کرتے ہیں۔ کسی افغان باشندے کے ساتھ اس کے سابق تعلق کا اس کے عہدے کی وجہ سے کوئی ترجیحی سلوک نہیں کیا جاتا۔

 یاد رہے کہ امریکا نے گذشتہ اگست میں امریکی صدر جو بائیڈن کے فیصلے پر عمل درآمد کرتے ہوئے تقریبا 20 سال تک جاری رہنے والی افغان جنگ کو ختم کردیا تھا اور افغانستان میں تعینات تمام امریکی فوجیوں کونکال لیا تھا۔نائن الیون کی بیسویں برسی کے موقعے پرافغانستان سے تقریبا ایک لاکھ 20 ہزار افراد کو بیرون ملک منتقل کیا گیا۔ 

یہ بھی پڑھیں۔اداکارہ مونی رائے کی شادی طے۔۔دولہا کون؟جانیے