نواز شریف سے ہونیوالے ظلم کی قیمت پاکستانی قوم مدتوں ادا کریگی:خواجہ آصف

(24نیوز)وزیر دفاع خواجہ آصف نے کہا کہ نواز شریف سے ہونیوالے ظلم کی قیمت پاکستانی قوم مدتوں ادا کریگی۔

وزیر دفاع خواجہ آصف نے ایکس پر بیان میں لکھا کہ زیادتی کے نتیجے جو حکومت لائی گئی اس نے وطن عزیز کے ساتھ جو کھلواڑ کیا اس کے ذمہ دار تمام وہ کردار ہیں جنہوں نے سازش تیار کی، اس پر عملدرآمد کیا اور ملک کو برسوں کیلئے غیر یقینی کیفیت سے دوچار کر دیا۔

خواجہ آصف نے کہا کہ ایک بد دیانت شخص کو قوم کی قسمت کا مالک بنا دیا گیا، اس نے پوری ایک نسل کو زہریلی سوچ دی، سازش میں شامل تمام افراد قومی مجرم ہیں، ان بزدلوں میں اخلاقی جرات ہے تو اپنی بات پر قائم رہیں یا قوم سے معافی مانگیں۔

نواز شریف کے ساتھ ھونے والے ظلم کی قیمت پاکستانی قوم مدتوں ادا کرے گی۔ اس زیادتی کے نتیجے جو حکومت لائ گئی اور اس حکومت نے وطن عزیز کے ساتھ جو کھلواڑ کیا اسکے ذمہ دار تمام وہ کردار جنہوں نے سازش تیار کی اس پہ عملدرآمد کیا اور ملک کو سالوں کے لئے غیر یقینی کیفیت سے دوچار کر… https://t.co/WiqKW8aICD

— Khawaja M. Asif (@KhawajaMAsif) December 31, 2025

وزیر دفاع کا مزید کہنا تھا کہ اللہ نے میرے قائد کو ہر بار سرخرو کیا، بھیانک سازش اور ٹریجڈی کے ذمہ دار دنیا اور آخرت میں قیمت ادا کریں گے اور عبرت کا نشان بنیں گے۔