کپتان عوامی طاقت کیساتھ میدان میں ڈٹا ہوا ہے، فردوس عاشق

 (24نیوز)معاون خصوصی برائے اطلاعات پنجاب فردوس عاشق اعوان نے کہا ہے کہ کپتان عوامی طاقت کے ساتھ کرپشن کے دیوتاؤں کے خلاف ڈٹ کر میدان میں کھڑا ہے۔

تفصیلات کے مطابق  فردوس عاشق اعوان نے اپنے ٹویٹ میں کہا کہ استعفوں کی کھوکھلی دھمکی اور ناکام جلسیوں کے بعد 31 جنوری کا سورج کرپٹ پی ڈی ایم اور جعلی راجکماری کے ارمانوں کو ملیا میٹ کرتے ہوئے ڈوب گیا، لیکن اب مارچ کے مہینے کو اپنے لانگ مارچ سے آلودہ کرنے کا خواہشمند بے بسی، بے یقینی اور بے حسی کا شکار پی ڈی ایم ٹولہ سُن لے کہ کئی مارچ آئینگے اور گزر جائینگے، مافیاز کی دھمکیاں اور رونا دھونا کسی کام نہ آئے گا۔

خیال رہےفردوس عاشق اعوان  نے کہا ہےکہ  وزیراعظم عمران خان 2023 تک عوامی طاقت کےساتھ ان کی ہر چال کو زیر کرتے ہوئے سرخرو ہونگے۔