زمین یا گھر پر کسی نے قبضہ کرلیا ہے تو واگزار کیسے کروائیں؟

(24نیوز )زمین یا پراپرٹی پر کسی نے قبضہ کرلیا ہے تو درخواست جمع کرواکر اسے دنوں میں واگزار کرواسکتے ہیں۔

وزیر اعلیٰ پنجاب مریم نواز نے ’ایکس‘ پر ویڈیو شیئر کی ہے جس میں متاثرہ شہری بتارہا ہے کہ کس طرح اس کی زمین پر قبضہ چھڑوایا گیا ہے۔

شہری نے بتایا کہ زمین سے قبضہ بڑے پراپر طریقے سے چھڑوایا گیا ہے، موقع پر پرامن طریقے سے معاملات حل ہوئے، مریم نواز کے مشکور ہیں۔

ایک خاتون نے بتایا کہ وراثت کا معاملہ تھا میرے بھائی نے قبضہ کررکھا تھا، میں مریم نواز کی شکر گزار ہوں کہ انہوں نے ہمارے مکان پر قبضہ ختم کرواکر ہمیں دلوایا ہے۔

 یہ بھی پڑھیں:ایران نے بڑا اعلان کر دیا

شہری نے بتایا کہ ہمارے پلاٹ پر قبضہ ہوگیا تھا، وزیر اعلیٰ پنجاب کا شکریہ انہوں نے جو ’ڈی آر سی‘ بنایا ہے اس کے ذریعے سارا فیصلہ ہوا اور پلاٹ ہمارے حوالے کردیا گیا ہے۔

ایک اور شہری نے بتایا کہ 15 سال سے ہمارے پلاٹ پر قبضہ تھا جسے ایک ہفتے میں مریم نواز نے حل کروادیا۔

 اگر آپ کی زمین یا پراپرٹی پر کسی نے ناجائز قبضہ کر رکھا ہے تو اپنے متعلقہ ڈپٹی کمشنر آفس میں درخواست جمع کرائیے۔دِنوں میں فیصلہ ہو گا انشاءاللّٰہ ! pic.twitter.com/ASbEgYK0Nk

— Maryam Nawaz Sharif (@MaryamNSharif) November 28, 2025

ایک شہری نے کہا کہ میری زمین پر کسی نے قبضہ کررکھا تھا میں نے درخواست ڈپٹی کمشنر گوجرانوالہ کو دی اور انہوں نے ایک دن میں میری زمین میرے حوالے کی گئی۔

متاثرہ شہریوں کا کہنا ہے کہ مریم نواز کا شکریہ ادا کرتے ہیں انہوں نے جو ڈی آر سی کمیٹی بنائی ہے یہ انتہائی احسن اقدام ہے۔

واضح رہے کہ گزشتہ ماہ وزیراعلیٰ پنجاب مریم نواز نے صوبے میں فوری انصاف کو یقینی بنانے کے لیے تنازعات کے حل کی کمیٹیاں بنانے کی ہدایت کی ہے۔

انہوں نے کہا کہ صوبے کے ہر ضلع میں ایک ڈی آر سی قائم کیا جائے گا۔

انہوں نے پنجاب پروٹیکشن آف اونر شپ آف اممو ایبل پراپرٹی آرڈیننس 2025 کی منظوری دی، شہریوں کے املاک کے حقوق کے تحفظ اور لینڈ گریبرز کے خلاف سخت کارروائی کی گئی۔