آئی پی ایل کا 27 کروڑ والا نکما کھلاڑی،فرنچائزر کو ایک رن بنانےپر 10 لاکھ  دینے پڑے

(ویب ڈیسک) انڈین پریمئیر لیگ (آئی پی ایل) میں فرنچائزر نے بہت سے کھلاڑیوں کو 20 لاکھ سے 30 لاکھ روپے کی بنیادی قیمت پر خریدا، لیکن لکھنؤ سپر جائنٹس کو ایک کھلاڑی جس کا نام رشبھ پنت ہے اسے ایک رن بنانے کے لئے 10 لاکھ  30 ہزار روپے ادا کرنے پڑے اور  یہ سودا لکھنؤ  کی ٹیم کیلئے بہت مہنگا ثابت ہوا۔
بھارتی ذرائع ابلاغ کے مطابق  لکھنؤ سپر جائنٹس کے مالک سنجیو گوئنکا نے جب انڈین پریمیئر لیگ کی میگا نیلامی میں 27 کروڑ روپے کی بھاری بولی لگا کر رشبھ پنت کو خریدا تو ان کی بہت سی خواہشات ضرور تھیں۔ لیکن سیزن کے اختتام تک، لکھنؤ سپر جائنٹس کی فرنچائز کی تمام رقم ضائع ہو گئی۔ آپ کو یہ جان کر حیرانی ہوگی کہ آئی پی ایل کے رواں سیزن میں رشبھ پنت کے ایک رن کی قیمت ٹیم کو 10 لاکھ 30 ہزار روپے لگی تھی۔ آئی پی ایل میں، جہاں بہت سے کھلاڑیوں کو 20 لاکھ سے 30 لاکھ روپے کی بنیادی قیمت پر خریدار ملے، پنت نے ایک رن بنانے کے لیے 10 لاکھ روپے لیے۔آئی پی ایل کی تاریخ کی سب سے مہنگی سنچری اور اس طرح رشبھ پنت نہ صرف آئی پی ایل نیلامی میں سب سے مہنگے کھلاڑی بن گئے بلکہ انہوں نے ایک رن بنانے پر سب سے زیادہ رقم بھی وصول کی۔ رشبھ پنت نے آئی پی ایل 2025 میں 133.17 کی اوسط سے اسکور کیا، جو ان کے 2018 کی چوٹی (173.60) سے بہت کم ہے۔ اس کی اوسط (24.45) نے بھی لوگوں کو حیران کر دیا،  جس پر اس کی لاگت کی تاثیر پر بحث چھڑ گئی۔

رشبھ پنت نے 13 میچوں میں ناکامی کے بعد  14ویں میچ میں رنز بنائے 13 میچوں میں محض 151 رنز بنانے کے بعد رشبھ پنت نے سیزن کے اپنے 14ویں اور آخری میچ میں 118 رنز بنائے لیکن اس میں بھی ٹیم کو شکست کا سامنا کرنا پڑا۔ 125 سے زیادہ آئی پی ایل میچوں اور 3553 رنز کے ساتھ  سنجیو گوئنکا ( ایل ایس جی )ے پنت کو کپتان بنایا۔ انہیں فنشر کا کردار دیا گیا تھا، لیکن پنت فلاپ ثابت ہوا۔لکھنؤ  کی ٹیم سنچری بنانے کے باوجود ہار گئی۔ لکھنئو سپر جائنٹس نے کپتان رشبھ پنت کی 118 رنز کی ناقابل شکست اننگز کی بدولت تین وکٹوں پر 227 رنز بنائے، لیکن بنگلور  کی ٹیم آر سی بی نے 18.4 اوور میں چار وکٹ پر 230 رنز بنا کر اس لیگ میں سب سے بڑے ہدف کا کامیابی سے ریکارڈ قائم کیا۔ اس کے ساتھ ہی آر سی بی نے ایک اور ٹیم کے ہوم گراؤنڈ پر لگاتار سات میچ جیتنے کا ریکارڈ بھی قائم کیا۔

یہ بھی پڑھیں:اے ایف آئی سی میں بھارت سے بغیر آپریشن آنیوالےبچوں کی کامیاب سرجری