ناموربھارتی فلم پروڈیوسر نے بیوی کو گاڑی سے کچل دیا،ویڈیو وائرل

(ویب ڈیسک )بالی ووڈ  کے مشہور پروڈیوسر کمل کشور مشرا نے اپنی بیوی کو گاڑی سے کچل دیا۔بھارتی میڈیا کے مطابق 19 اکتوبر کی رات ممبئی کے علاقے اندھیری میں واقع عمارت کی کارپارکنگ میں ایک گاڑی نے خاتون کو کچل دیا تھاتاہم وہاں موجود ایک شخص نے خاتون کو بچالیا جبکہ کچلنے والا شخص گاڑی لے کر بھاگ گیا تھا۔

بھارتی چینل "اے این آئی "کے مطابق فلمساز کمال کشور مشرا کو ان کی اہلیہ نے اندھیری کے ایک اپارٹمنٹ کے پارکنگ ایریا میں کسی دوسری خاتون کے ساتھ کار میں رنگے ہاتھوں  پکڑ لیا،جب بھارتی فلمساز کی اہلیہ پارکنگ ایریا میں پہنچی اور شوہر سے تکرار شروع کی تو کمال کشور مشرا نے وہاں سے فرار ہونے کے لیےگاڑی بھگا دی جس سے اس کی اہلیہ کے سر، ٹانگ اور ہاتھوں پر چوٹ آئی۔

#WATCH | Case registered against film producer Kamal Kishore Mishra at Amboli PS u/s 279 & 338 of IPC for hitting his wife with a car.She claims after the incident she suffered head injuries.We're searching for accused. Further investigation underway:Amboli Police

(CCTV Visuals) pic.twitter.com/0JSleTqyry

— ANI (@ANI) October 26, 2022

ممبئی پولیس کا کہنا ہے کہ خاتون کو کچل کر بھاگنے والا شخص واقعے بالی ووڈ فلم ساز کمل کشور مشرا  ہے جس کے خلاف مقدمہ  درج کرلیا گیا ہے جبکہ گاڑی سے کچلی جانے والی خاتون ان کی اہلیہ ہیں جس نے پروڈیوسر کو پارکنگ میں گاڑی کے اندر موجود دوسری عورت کے ساتھ پکڑ لیا تھا۔پولیس کے مطابق  کمل کشور مشرا اپنی کار میں ایک اور خاتون کے ساتھ پارکنگ میں موجود تھے جب ان کی بیوی اسے ڈھونڈتی ہوئی موقع پر پہنچی تو کمل کشور مشرا نے بیوی کو اپنی کار سے ٹکر مار دی اور ان کی ٹانگوں پر گاڑی چڑھاتا ہوا  موقع سے فرار ہوگیا۔پولیس کا کہنا ہے کہ پروڈیوسر کی تلاش جاری ہے اور اسے جلد گرفتار کر لیا جائے گا۔

یاد  رہے کہ کمال کشور مشرا ہندی فلم دیہاتی ڈسکو پروڈیوس کر چکے ہیں۔