عمران خان عوام کا تابعدار۔۔ لٹیروں کیلئے تھانیدار ہے : شبلی فراز

(24نیوز)شبلی فراز کا کہنا ہے کہ  مریم نواز کا لاڑکانہ جانا ’اوپر سے لڑائی، اندر سے بہن بھائی‘ کی تاریخی حقیقت کا منہ بولتا ثبوت ہے۔آج ذوالفقار علی بھٹو اور بی بی شہید کی روح کوتکلیف پہنچ رہی ہوگی کہ ان کے فلسفے اور نظریات کے بد ترین مخالف آج ان کے گھر براجمان ہیں۔

مریم نواز کا لاڑکانہ جانا "اوپر سے لڑائی اندر سے بہن بھائی" کی تاریخی حقیقت کا منہ بولتا ثبوت ہے۔ لاہور اور لاڑکانہ کی سڑکوں پر ایک دوسرے کو گھسیٹنے کے اعلان کرنے والے ایک دوسرے کے گھروں کے مہمان بن گئے۔ یہ ان کی اصلیت ہے۔ یہ عوام کے سامنے کچھ اور پیچھے کچھ اور ہیں۔

— Senator Shibli Faraz (@shiblifaraz) December 27, 2020

 سماجی رابطے کی ویب سائٹ ٹوئٹر پر وفاقی وزیرِ اطلاعات سینیٹر شبلی فراز  نے بیان جاری کرتے ہوئے کہا ہے کہ  وزیرِ اطلاعات نے کہا کہ لاہور اور لاڑکانہ کی سڑکوں پر ایک دوسرے کو گھسیٹنے کے اعلان کرنے والے ایک دوسرے کے گھروں کے مہمان بن گئے، یہ ان کی اصلیت ہے، یہ عوام کے سامنے کچھ اور پیچھے کچھ اور ہیں۔ان کا ایجنڈا اپنی ذات سے شروع ہو کر اپنی ذات پر ختم ہو جاتا ہے، ان کے پاس عوام کے لئے کچھ نہیں۔

ملک میں جب بھی کرپشن، دو نمبری، ہارس ٹریڈنگ،چھانگا مانگا، چمک اور بریف کیس کا نام آئے گا تو نواز شریف کا نام آئے گا۔ عمران خان عوام کا تابعدار اور چوروں لٹیروں کیلئے تھانے دار ہے۔

— Senator Shibli Faraz (@shiblifaraz) December 27, 2020

شبلی فراز  نے مزید کہا  ملک میں جب بھی کرپشن، دو نمبری، ہارس ٹریڈنگ، چھانگا مانگا، چمک اور بریف کیس کا نام آئے گا تو نواز شریف کا نام آئے گا، عمران خان عوام کا تابعدار اور چوروں لٹیروں کیلئے تھانے دار ہے۔