ملک کے بیشتر علاقوں میں موسم خشک اور سرد رہنے کا امکان 

(کومل اسلم، صباء پرویز) محکہ موسمیات کے مطابق ملک کے بیشترعلاقوں میں موسم خشک جبکہ بالائی علاقوں میں رات اور صبح کے اوقات میں سرد رہے گا۔ 

شہر لاہور کا موسم خشک جبکہ رات کے وقت میں موسم سرد رہنے کا امکان ہے۔  شہر کا موجودہ درجہ حرارت 23ڈگری سینٹی گریڈ ریکارڈ کیا گیا ہے۔ محکمہ موسمات کے مطابق آئندہ 24گھنٹوں کے دوران بارش کا کوئی امکان نہیں ہے۔  شہر لاہور میں فضائی آلودگی کی شرح بے قابو ہونے کے بائث پاکستان کے آلودہ ترین شہروں میں لاہور سرفہرست ہے۔

شہر میں فضائی آلودگی کی مجموعی شرح 265ریکارڈ کی گئی ہے۔ مراتب علی روڈ296، فیز 8 ڈی ایچ اے میں آلودگی کی شرح 258ریکارڈ، مال روڈ 250 جبکہ یو ایس قونصلیٹ میں آلودگی کی شرح 245ریکارڈ کی گئی ہے۔

مزید پڑھیں: ایک اور بڑا ریلیف،پٹرول کی قیمت میں 83 روپے لیٹر کمی؟

دوسری جانب کراچی کا موسم آج گرم اور مرطوب رہنے کا امکان ہے۔محکمہ موسمیات کے مطابق کراچی میں گرمی کی شدت آئندہ چند روز تک برقرار رہنے کا امکان ہے۔

شہر کا موجودہ درجہ حرارت 27 ڈگری سینٹی گریڈ ریکارڈ کیا گیا ہے ،کم سے کم درجہ حرارت 24ڈگری سینٹی گریڈ ریکارڈ جبکہ زیادہ سے زیادہ پارہ 35 ڈگری تک جانے کا امکان ہے۔  دنیا کے آلودہ ترین شہروں میں کراچی آج 13 نمبر پر موجود ہے۔ ہوا شمال مشرق کی سمت سے چل رہی ہے۔ ہوا میں نمی کا تناسب 83 فیصد ریکارڈ کیا گیا ہے جبکہ ہوا کی رفتار 7.4 کلو میٹر فی گھنٹہ کی ہے۔