جمائما کی فلم میں نصرت فتح علی خان کی قوالی بھی شامل

(مانیٹرنگ ڈیسک)  عمران خان کی سابقہ اہلیہ اور برطانوی پروڈیوسر جمائما خان نے نئی آنے والی فلم میں شہنشاہِ قوالی نصرت فتح علی خان کی قوالی ’’اے اتھرا عشق نہیں سونڑ دیندا‘‘بھی شامل ہو گی۔

تفصیلات کے مطابق کچھ عرصہ قبل جمائما نے اپنے ایک ٹوئٹ میں پاکستانی صارفین سے نصرت فتح علی خان کی قوالی ’اے اتھرا عشق نہیں سونڑ دیندا‘ کے حوالے سے مدد طلب کی تھی۔انہوں نے کہا تھا کہ کوئی انہیں اس قوالی کے انگریزی میں ترجمے کے حوالے سے مدد کرے، جس کے بعد ایک صارف نے انہیں ٹوئٹ پر رپلائی دیا تھا اور ان کی مشکل حل ہوگئی تھی۔اب اپنی حالیہ پوسٹ میں جمائما نے راحت فتح علی خان کے ہمراہ ایک پوسٹ شیئر کی جس میں راحت فتح علی خان کو یہی قوالی گاتے سُنا جاسکتا ہے۔جمائما نے اپنے انسٹاگرام پر  فلم کے سیٹ سے تصاویر شیئر کرتے ہوئے بتایا تھا کہ انہوں نے راحت کی پرفارمنس کو فلم کے سیٹ پر خوب انجوائے کیا ہے۔

View this post on Instagram

A post shared by Jemima Goldsmith (@khanjemima)

 واضح رہے کہ جمائما گولڈاسمتھ کی پروڈکشن میں بننے والی فلم ’واٹس لو گاٹ ٹو ڈو وِد اِٹ‘ کی شوٹنگ لندن میں شروع ہوگئی ہے،بھارتی فلم مام میں اپنی اداکاری کے جوہر دکھانے والی پاکستانی اداکارہ سجل علی برطانوی فلم پروڈیوسر جمائما گولڈ اسمتھ کی پروڈکشن میں بننے والی فلم میں جلوہ گر ہوں گی،فلم کی کہانی کا موضوع متوقع طور محبت اور شادی سے متعلق ہوگا جو لندن اور جنوبی ایشیا کے مابین ہوگا۔

خیال  رہے کہ وزیر اعظم پاکستان عمران خان کی پہلی اہلیہ سے طلاق ہوئے طویل عرصہ گزر چکا ہے تاہم اب بھی مداح ان کی جوڑی اور محبت سے متعلق باتیں کرتے رہتے ہیں،جمائما اور عمران خان کی شادی 1995 میں ہوئی تھی، جمائما نے عمران خان کے ساتھ 1995 سے 2004 تک 9 سال لاہور میں گزارے۔