متحدہ عرب امارات: رمضان کی آمد پر 1025 قیدیوں کی رہائی کا حکم
Stay tuned with 24 News HD Android App
(ویب ڈیسک) متحدہ عرب امارات کے صدر شیخ محمد بن زاید آل نہیان نے رمضان المبارک سے قبل امارات کی جیلوں سے 1 ہزار سے زائد قیدیوں کو معاف کرتے ہوئے ان کی رہائی کا حکم جاری کیا ہے۔
اس حوالے سے امارات کی سرکاری خبر رساں ایجنسی وام نے ایک رپورٹ میں کہا کہ یہ فیصلہ صدر محمد بن زاید کے انسانی ہمدردی کے اقدامات کا حصہ ہے جو معافی اور رواداری کی اقدار کی عکاسی کرتا ہے تاکہ معافی یافتہ قیدیوں کو ایک نئی زندگی شروع کرنے اور ان کے اہل خانہ کے مصائب کو کم کرنے کا موقع دیا جاسکے۔
The United Arab Emirates (#UAE) has pardoned more than 1,000 prisoners ahead of #Ramadan, official news agency WAM reports.https://t.co/G7Al7ePIXJ
— Al Arabiya English (@AlArabiya_Eng) March 22, 2023
متحدہ عرب امارات میں حکومت ہرسال ماہ رمضان کے علاوہ بھی دیگر مقدس تہواروں کے ایام سے قبل قیدیوں کو معافی دے کرجیلوں سے رہا کرتی ہے۔
واضح رہے کہ دبئی کے حکمران شیخ محمد بن راشد آل مکتوم نے گذشتہ سال 6 جولائی کو عیدالاضحیٰ سے قبل امارات میں اصلاحی اور تادیبی اداروں سے 505 قیدیوں کی رہائی کا حکم دیا تھا۔
علاوہ ازیں سعودی عرب اور یو اے ای میں منگل کی شام رمضان المبارک کا چاند نظر نہیں آیا جس کا مطلب ہے کہ مقدس مہینے کا باضابطہ آغاز جمعرات کو ہوگا۔