امریکا نے روسی اور ایرانی تیل پر پابندیوں میں نرمی میں توسیع کر دی

(24نیوز)امریکا نے روسی اور ایرانی تیل پر عائد پابندیوں میں نرمی میں توسیع کردی۔

امریکی وزیرخزانہ اسکاٹ بیسنٹ کا کہنا ہے کہ روسی اور ایرانی تیل پر عائد پابندیوں میں 30 دن کی توسیع کی ہے، یہ فیصلہ ان ممالک کی درخواست پر کیا گیا جنہیں خطرات درپیش ہیں، ممالک نے آئی ایم ایف اور ورلڈ بینک سے درخواست کی تھی۔

دوسری جانب خام تیل کی عالمی قیمتوں میں اضافے کا رجحان برقرار ہے۔ برطانوی برینٹ کروڈ کی قیمت 101 ڈالر فی بیرل سے تجاوز کرگئی، برینٹ کروڈ آئل کی قیمت میں 3 فیصد سے زائد اضافہ ہوگیا۔

امریکی ڈبلیو ٹی آئی خام تیل کی قیمت میں بھی 2.73 فیصد اضافہ دیکھا گیا، ڈبلیو ٹی آئی کروڈ کی قیمت 92 ڈالر فی بیرول سے زائد ہوگئی۔
 یہ بھی پڑھیں:سکول کل بند رہیں گے، نوٹیفکیشن جاری