بھارتی اداکارہ دیپیکا ککڑ نے اسلام قبول کرنے کی وجہ بتادی

(ویب ڈیسک)بھارتی ٹیلی ویژن کی معروف اداکارہ دیپیکا ککڑ نے اسلام قبول کرنے کی وجہ بتادی۔
اداکارہ دیپیکا ککڑ نے 2018 میں اپنے ساتھی اداکار شعیب ابراہیم کے ساتھ شادی کرنے سے پہلے اسلام قبول کیا تھا اور اپنا نام بھی تبدیل کرکے فائزہ رکھ لیا تھا۔اس حوالے سے دیپیکا ککڑ نے ایک انٹرویو میں کہا کہ انہیں مسلمان ہونے پر فخر ہے۔انہوں نے مزید کہا کہ ان کی زندگی کا کچھ مخصوص حصہ نجی ہے اور وہ اپنی زندگی کے اس حصے میں کسی کا داخلہ پسند نہیں کریں گی۔
دیپیکا ککڑ نے اسلام قبول کرنے کی وجہ بتاتے ہوئے کہا کہ اسلام قبول کرنا مکمل طور پر میرا اپنا فیصلہ تھا اور جب میں نے اپنی مرضی سے مذہب تبدیل کیا ہے تو اس لیے اس فیصلے کے مشکل ہونے کا سوال ہی پیدا نہیں ہوتا۔

یہ بھی پڑھیں: سابق وزیر خارجہ سردار آصف احمد علی انتقال کر گئے