حکمران مرکز میں پرویز الہی کیخلاف سازش تیار کر رہے ہیں: شیخ رشید کا انکشاف

(ویب ڈیسک) سربراہ عوامی مسلم لیگ شیخ رشید نے انکشاف کیا ہے کہ حکمران مرکز میں پرویز الہی کے خلاف سازش تیار کر رہے ہیں، وزیراعلیٰ پنجاب کے خلاف عدم استحکام رابطے کے پل اور ڈائیلاگ کو ختم کر دے گا۔

حکمران مرکز میں پروز الٰہی کے خلاف سازش تیار کررہے ہیں۔پروز الٰہی کے خلاف عدم استحکام رابطے کے پل اور ڈائیلاگ کو ختم کر دے گا۔غریب بجلی کے بل یا گھر کے کرائے میں سے ایک چیز ادا کر سکتا ہے۔سارے ملک کوغریب کا مذبح خانہ بنا دیاگیا ہے۔21تاریخ کو لیاقت باغ میں عمران خان بڑاجلسہ کرے گا

— Sheikh Rashid Ahmed (@ShkhRasheed) August 19, 2022

 شیخ رشید نے سماجی رابطے کی ویب سائٹ پر ٹویٹ کرتے ہوئے کہا کہ غریب بجلی کے بل یا گھر کے کرائے میں سے ایک چیز ادا کر سکتا ہے، سارے ملک کو غریب کا مذبح خانہ بنا دیا گیا ہے، 21 تاریخ کو عمران خان لیاقت آباد میں بڑا جلسہ کرے گا۔

 سربراہ عوامی مسلم لیگ نے ایک اور ٹویٹ میں کہا کہ سیاسی پریشر ککر سیاسی چولھے سے نہ ہٹایا تو پھٹ جائے گا، مفتاح اسماعیل آئی ایم ایف کا ترجمان ہے جس سے پرچون فروش بھی محفوظ نہیں۔

سیاسی پریشر ککر سیاسی چوہلے سے نہ ہٹایا تو پھٹ جائے گا۔مفتاح اسماعیلIMFکا ترجمان ہے جس سے پرچون فروش بھی محفوظ نہیں۔ بےبس ترین وزیراعظم شہباز شریف جسے اسکی اپنی پارٹی،MQMاورBAPبھی آنکھیں دکھا رہی ہے۔ یہ70کی دہائی نہیں ہے۔ توشہ خانہ اور ممنوع فنڈنگ عمران خان کا کچھ نہیں بگاڑ سکتی.

— Sheikh Rashid Ahmed (@ShkhRasheed) August 19, 2022

 انہوں نے کہا کہ بے بس ترین وزیراعظم شہباز شریف کو ان کی اپنی پارٹی، ایم کیو ایم اور بی اے پی بھی آنکھیں دکھا رہی ہے، یہ 70 کی دہائی نہیں ہے، توشہ خانہ اور ممنوعہ فنڈنگ کیس عمران خان کا کچھ نہیں بگاڑ سکتے۔