فضائی آلودگی کےاعتبارسےلاہور کا پہلا نمبر برقرار

(فاطمہ عارف) باغوں کے شہرمیں سموگ کاراج، فضائی آلودگی کےاعتبارسےلاہور پہلےنمبر پر براجمان۔

شہر لاہور میں فضائی آلودگی کی مجموعی شرح317ریکارڈ کی گئی، فیز 8 ڈی ایچ اے میں شرح 411، کینٹ پولو گراؤنڈ 454، ایچی سن کالج میں شرح401 ریکارڈ کی گئی، شہر کا موجود درجہ حرارت 13 ڈگری سینٹی گریڈ ریکارڈ کیا گیا۔

یہ بھی پڑھیں: لاک ڈاؤن نافذ

دوسری جانب ماہرین کے مطابق شہری احتیاط کریں، درجہ حرارت کم ہونے کے باعث خنکی میں اضافہ ہوا ہے جبکہ زیادہ سے زیادہ درجہ حرارت 26 ڈگری تک جاسکتاہے۔

انتظامیہ کی جانب سے سموگ کے باعث صوبائی دارالحکومت لاہور سمیت پنجاب کے 10 اضلاع میں آج سمارٹ لاک ڈاؤن نافذ کر دیا گیا ہے، پرونشل ڈیزاسٹر منیجمنٹ اتھارٹی نے سمارٹ لاک ڈاؤن کا نوٹیفکیشن جاری کر دیا گیا ہے جس کے مطابق 10 اضلاع میں آج بروز ہفتہ لاک ڈاؤن ہو گا، لاہور، ننکانہ، شیخوپورہ، قصور، گوجرانوالہ، گجرات، سیالکوٹ، نارووال، حافظ آباد اور منڈی بہاؤالدین میں لاک ڈاؤن نافذ کیا گیا ہے۔