عمران خان کا شہباز گل کی اسپتال منتقلی کی ویڈیو پر رد عمل سامنے آگیا

ویب ڈیسک : چیئرمین پی ٹی آئی عمران خان نے اپنے چیف آف اسٹاف شہباز گل کی اسپتال منتقلی کی ویڈیو پر رد عمل کا اظہار کیا ہے۔

 چیئرمین پی ٹی آئی نے  ٹوئٹر پر شہباز گل کو پمز اسپتال لے جاتے وقت کی ویڈیو شیئر  کی اور  لکھا کہ ’ بنانا ری پبلک میں ڈھلنے کے مناظر، ہماری بربریت دیکھ کر مہذب دنیا پر سکتہ طاری ہوگا‘ ۔عمران خان نے کہا کہ بدترین پہلو تو یہ ہے کہ منصفانہ عدالتی کارروائی کے بغیر جبر و تشدد سے مثال بنانے  کے لیے  ایک آسان ترین ہدف چُنا گیا ہے۔

انہوں نے مزید کہا کہ’ نوازشریف، مریم، مولانا فضل الرحمٰان اور آصف زرداری جیسے وہ تمام کردار جو ریاستی اداروں کے خلاف  بغض و عناد سے بھرپور بیانات کے ذریعے انہیں ہرممکن حد تک بدترین انداز میں بار بار نشانہ بناتے رہے ہیں، بلاخوفِ ملامت آزاد گھوم رہے ہیں‘ ۔ 

Descending into a banana republic. The civilised world will be shocked at our levels of barbarism. The worst part is an easy target has been chosen to make an example of through torture & without a fair trial. pic.twitter.com/BJve8kv8FN

— Imran Khan (@ImranKhanPTI) August 17, 2022