این اے 108 ضمنی الیکشن، تحریک انصاف کے چیئرمین عمران خان کے کاغذات نامزدگی مسترد

Aug 17, 2022 | 19:33:PM
تحریک انصاف، چیئرمین، عمران خان، این اے 108، ضمنی الیکشن، کاغذات نامزدگی مسترد،
کیپشن: عمران خان(فائل فوٹو)
Stay tuned with 24 News HD Android App
Get it on Google Play

(24 نیوز)پاکستان تحریک انصاف کے چیئرمین عمران خان کے این اے 108 کے ضمنی الیکشن کے حوالے سے کاغذات نامزدگی مسترد کردیئے گئے۔ 

تفصیلات کے مطابق چیئرمین تحریک انصاف عمران خان نے قومی اسمبلی کے 9 حلقوں سے ضمنی انتخابات میں حصہ لینے کا اعلان کیا تھا اور ان کی جانب سے 9 حلقوں میں کاغذات نامزدگی جمع کرائے گئے تاہم فیصل آباد کے حلقے این اے 108 سے چیئرمین پی ٹی آئی کے کاغذات نامزدگی مسترد کردیئے گئے ،ریٹرننگ آفیسر نے عمران خان کے کاغذات نامزدگی مسترد کرد یئے ،آر او نے پی ٹی آئی رہنما فرخ حبیب اور ن لیگ کے عابد شیر علی کے کاغذات نامزدگی منظورکرلئے۔

تحریک انصاف نے ریٹرننگ افسر کے فیصلے کو چیلنج کرنے کا فیصلہ کیا ہے اور اپیل کی تیاری شروع کردی ۔

یہ بھی پڑھیں: فارن فنڈنگ کیس تحقیقات:عمران خان کا ایف آئی اے نوٹس کا جواب دینے سے انکار