مشہور برانڈ ’ہُدیٰ بیوٹی‘ کا اسرائیل کو دوٹوک جواب

(ویب ڈیسک) معروف بیوٹی برانڈ ’ہُدیٰ بیوٹی‘ نے اسرائیل کے ہاتھوں ظلم کا نشانہ بننے والے فلسطینیوں کی حمایت کرتے ہوئے صارفین کے دل جیت لیے۔

عراقی نژاد امریکی بیوٹی میک اپ آرٹسٹ ہُدیٰ قطان نے گزشتہ روز  اپنی برانڈ کے سوشل میڈیا اکاؤنٹ انسٹاگرام پر حال ہی میں ایک ویڈیو پیغام شئیرکیا تھا، جس میں انہوں نے اسرائیل کی بربریت کے تناظر میں فلسطین کے ساتھ اظہارِ یکجہتی کیا۔

انہوں نے کیپشن میں لکھا کہ ’میرا دل فلسطینی عوام کے ساتھ ہے، فلسطین میں جو کچھ ہو رہا ہے اس کے بارے میں بات کرنے کے لئے ہم اپنے ذاتی اکاؤنٹ @huda کا استعمال کرتے رہیں گے‘۔

View this post on Instagram

A post shared by HUDA BEAUTY (@hudabeauty)

ان کا مزید کہنا تھا کہ ’میں جانتی ہوں کہ کچھ لوگ معمول کے مطابق اپنی زندگی گزار رہے ہیں لیکن مجھے ایسا کرنے میں مشکل پیش آ رہی ہے‘۔

جہاں دنیا بھر کے لوگوں نے اس پر ان کی تعریف کی ہے تو وہیں ایسے لوگ بھی تھے جو ان سے خاصا ناراض دکھائی دیے۔

Suddenly my favorite makeup brand is huda beauty https://t.co/KyXcK6aOMt

— jayy (@jjabdelhamid) October 15, 2023

ان کے اس ویڈیو پیغام پرایک اسرائیلی خاتون نے دھمکی آمیز تبصرہ کرتے ہوئے کہا کہ ’اگر ہدیٰ بیوٹی برانڈ فلسطین کے لیے اپنی حمایت کا اظہار جاری رکھے گی تو وہ ان کا سامان خریدنا بند کر دیں گی‘۔

بیوٹی ٹائیکون نے اس تبصرے کا دو ٹوک جواب دیتے ہوئے کہا کہ ’مجھے خون کا پیسہ نہیں چاہیے‘۔

ٹوئٹر صارفین نے اسرائیلی خاتون کے تبصرے پر ہدیٰ قطان کے دوٹوک جواب کی تعریف کرتے ہوئے ان کو خوب سراہا ہے۔