ایلون مسک کی ٹرانس جینڈر بیٹی نے ماڈلنگ شروع کردی
Stay tuned with 24 News HD Android App
(ویب ڈیسک)دنیا کے امیر ترین شخص ایلون مسک کی بیٹی ویوین جینا ولسن نے ماڈلنگ کی دنیا میں قدم رکھ دیا۔
غیر ملکی خبر رساں ادارے کے مطابق ویوین نے 15 مئی کو معروف فیشن برینڈ "وائلڈ فینگ" کی نئی مہم کا حصہ بن کر اپنے ماڈلنگ کیریئر کا آغاز کردیا ہے۔
21 سالہ ویوین جو مصنفہ جسٹین ولسن اور ایلون مسک کی بیٹی ہیں، نے اس تشہیری مہم کی تصاویر اور ویڈیوز انسٹاگرام پر شیئر کی ہیں، جن میں وہ مختلف ملبوسات میں ماڈلنگ کرتی دکھائی دے رہی ہیں۔
ویوین نہ صرف اس مہم کا چہرہ ہیں بلکہ انہوں نے اس کے لیے ایک خصوصی ٹی شرٹ بھی ڈیزائن کی ہے، جس کی تمام آمدن "دی ٹریور پراجیکٹ" کو دی جائے گی جو LGBTQ+ نوجوانوں کے لیے خودکشی سے بچاؤ اور بحران سے نمٹنے میں مدد فراہم کرتا ہے۔
یہ بھی پڑھیں:اداکارہ سارہ عمیر نے ہدایتکار کو سب کے سامنے تھپڑ رسیدکیوں کیا؟
وائلڈ فینگ کی سی ای او ایما میکلروئے کے مطابق ویوین بہادری، ذہانت اور بے باک شخصیت کی علامت ہیں۔
یاد رہے کہ ویوین نے 2022 میں اپنا نام اور جنس قانونی طور پر تبدیل کرنے کے لیے درخواست دی تھی جس کے باعث وہ خبروں کی سرخیوں کا حصہ بنی ہوئی تھیں۔