ایٹم بم گرانے کی دھمکی۔عمران خان بڑی مشکل میں پھنس گئے  

 (مانیٹرنگ ڈیسک) پاکستان پر ایٹم بم گرانے کی دھمکی دینے پر سابق وزیراعظم عمران خان کیخلاف   مقدمے درج کرنے کی درخواست دائر کردی گئی ۔

تفصیلات کے مطابق لاہور کی سیشن عدالت میں عمران خان کی تقریر میں پاکستان پر ایٹم بم گرانے کی دھمکی کے خلاف درخواست دائر کردی گئی۔

اندراج مقدمے کی درخواست شیخ مظفر کی جانب سے دائر کی گئی، جس میں موقف اختیار کیا گیا ہے کہ پاکستان میں میری بیوی اور بچے بھی رہ رہے ہیں ، پاکستان کو تباہ و برباد کرنے کی عمران خان کی دھمکی خوفناک ہے۔درخواست میں استدعا کی گئی کہ عدالت عمران خان پر مقدمہ درج کرنے کا حکم دے۔

سیشن عدالت نے ایس پی انویسٹی گیشن سے رپورٹ طلب کرتے ہوئے سماعت 18 مئی تک ملتوی کردی۔

یہ بھی پڑھیں: آندھی اور بارش ۔ محکمہ موسمیات نے بڑی پیشگوئی کردی

 یاد  رہے کہ  چیئرمین پی ٹی آئی عمران خان نے مردان کےجلسے سے خطاب کرتے ہوئے کہا تھا کہ موجودہ حکمرانوں کو لانے سے بہتر تھا کہ پاکستان پرایٹم بم گرادیتے۔

یہ بھی پڑھیں:تحریک انصاف کوسپریم کورٹ سے بڑا جھٹکا