کاکروچ جنتا پارٹی کے بانی پر اچانک تھپڑوں کی بارش، ویڈیو سوشل میڈیا پر وائرل

(24 نیوز) بھارت کے شہر جے پور میں ایک احتجاج کے دوران’ ’کاکروچ جنتا پارٹی‘‘ کے بانی ابھیجیت دیپکے کو شدید عوامی غیض و غضب کا سامنا کرنا پڑا۔

بھارت کی ابھرتی ہوئی سیاسی تنظیم ’’کاکروچ جنتا پارٹی‘‘ کے بانی اور سربراہ ابھیجیت ڈپکے پر جے پور میں ایک احتجاجی ریلی کے دوران چند مشتعل افراد کی جانب سے منظم حکمت عملی کے تحت چاروں طرف سے گھیر کر انہیں تھپڑ مارے اور گرانے کی کوشش کی، جس کے بعد فریقین کے درمیان ہاتھا پائی بھی ہوئی۔

میڈیا رپورٹس کے مطابق 30 سالہ ابھیجیت دیپکے گزشتہ روز راجستھان کے دارالحکومت جے پور میں ایک احتجاجی ریلی میں شریک تھے، جہاں انہیں حامیوں نے اپنے کندھوں پر اٹھا رکھا تھا۔

اسی دوران دو نامعلوم افراد ہجوم میں داخل ہوئے اور اچانک انہیں تھپڑ مارنا شروع کردیئے۔

Abhijit Deepke of the 'Cockroach Janta Party' assaulted during a protest in Jaipur.pic.twitter.com/jYxLwDkG1n https://t.co/LJd1FrbvjZ

— Kesavulu (@Kesavulu99) June 15, 2026

ویڈیوز میں دیکھا جاسکتا ہے کہ دیپکے کو چہرے اور کندھوں پر متعدد بار نشانہ بنایا گیا، جس کے بعد ان کے حامی انہیں فوری طور پر وہاں سے لے گئے۔

واقعے کے بعد جاری کیے گئے ایک ویڈیو بیان میں ابھیجیت دیپکے نے کہا کہ یہ کارروائی انہیں اور ان کی جماعت کو خوفزدہ کرنے کی کوشش ہے، تاہم وہ اپنے مؤقف سے پیچھے نہیں ہٹیں گے۔

ان کا کہنا تھا کہ یہ اوچھے ہتھکنڈے ہمیں ڈرانے، دھمکانے اور اصل مسئلے سے توجہ ہٹانے کی کوشش ہے لیکن ہم اپنے حق کیلیے آواز بلند کرتے رہیں گے۔