کانگریس نےمقبوضہ جموں و کشمیر کا بطور ریاست درجہ بحال کرنے مطالبہ کر دیا

(ویب ڈیسک)بھارت کی بڑی سیاسی جماعت کانگریس کے  صدر ملک ارجن کھڑگے اور لوک سبھا میں اپوزیشن لیڈر راہل گاندھی نے وزیر اعظم نریندر مودی کو خط لکھ کر مقبوضہ جموں و کشمیر کا بطور ریاست درجہ بحال کرنے اور لداخ کو آئین کے چھٹے شیڈول میں شامل کرنے  کیلئے بل لانے کامطالبہ کیا ہے۔

بھارتی ذرائع ابلاغ کے مطابق ملک ارجن کھڑگے اور راہل گاندھی نے کہا کہ جموں و کشمیر کے لوگ پچھلے پانچ برسوں سے ریاستی درجہ بحال کرنے کے اپنے جائز ، آئینی اور جمہوری حقوق کا مطالبہ کر رہے ہیں۔ یہ پہلا موقع ہے جب کسی ریاست کا درجہ ختم کر کے اسے مرکز کے زیر انتظام خطہ میں تبدیل کیا گیا ہے۔دونوں بھارتی سیاستدانوں نے جموں و کشمیر کو ریاست کا درجہ بحال کرنے اور لداخ کو آئین کے چھٹے شیڈول میں شامل کرنے کیلئےبل لانے کامطالبہ کیا ہے۔

Congress President Sh @kharge & LoP Sh @RahulGandhi writes a letter to PM Modi regarding the restoration of full statehood to Jammu and Kashmir. pic.twitter.com/gIj87ZrDyP

— J&K Congress (@INCJammuKashmir) July 16, 2025

یہ بھی پڑھیں:لاہور سے کراچی جتنا فاصلہ محض ڈھائی گھنٹے میں طے کرنیوالی ٹرین