ایران میں پاسداران نے موساد سے تعلق کے شبہ میں 4 ایرانی گرفتار کر لئے
Stay tuned with 24 News HD Android App
(ویب ڈیسک) ایران کے پاسدارانِ انقلاب نے شمالی صوبے گیلان میں موساد سے روابط رکھنے والے 4 ایجنٹ گرفتار کرلئے۔
ایک انٹرنیشنل نیوز ایجنسی نے رپورٹ کیا ہے کہ یہ گرفتاریاں آئی آر جی سی کے انٹیلی جنس اہلکاروں کی کارروائی کے نتیجے میں عمل میں آئیں، جنہوں نے مبینہ طور پر موساد سے وابستہ ایجنٹس کو حراست میں لیا۔
گرفتار افراد پر الزام ہے کہ انہوں نے موساد حکام کو جنگ کے دوران انٹرنیٹ کے ذریعے حساس فوجی اور سیکیورٹی تنصیبات کی تصاویر فراہم کی تھیں اور ان کی نشاندہی کی۔
گزشتہ روز بھی پاسدارانِ انقلاب نے اسرائیلی انٹیلی جنس ایجنسی موساد کے لیے کام کرنے والے 35 افراد کو گرفتار کیا گیا تھا۔