سلمان خان کے گھر پر فائرنگ کرنے والے 2 شوٹر گرفتار
Stay tuned with 24 News HD Android App
(24 نیوز) بالی ووڈ اسٹار سلمان خان کے گھر پر فائرنگ کرنے والے 2 افراد کو ممبئی پولیس نے گرفتار کرلیا گیا۔
ممبئی پولیس حکام کے مطابق سلمان خان کے گھر پر فائرنگ کرنے والے وکی صاحب گپتا اور ساگرشری جوگندر پال کو ریاست گجرات کے علاقے بھوج سے گرفتار کیا گیا، دونوں ملزمان کا تعلق لارنس بشنوئی گینگ سے ہے۔
اداکار سلمان خان کے ممبئی میں واقع گھر پر اتوار کی صبح 2 موٹر سائیکل سوار فائرنگ کرکے فرار ہوگئے تھے، پولیس نے سی سی ٹی وی فوٹیج کی مدد سے ملزموں کا سراغ لگایا،سلمان خان کے گھر پر فائرنگ کی ذمہ داری گینگسٹر لارنس بشنوئی کے بھائی انمول بشنوئی نے قبول کی تھی۔ لارنس بشنوئی مشہور پنجابی گلوکار سدھو موسے والا اور دیگر ہائی پروفائل شخصیات کے قتل کے الزام میں دلی کی تہاڑ جیل میں قید ہے۔
یاد رہے کہ لارنس بشنوئی نے متعدد بار سلمان خان کو قتل کرنے کی دھمکی دی ہے۔
یہ بھی پڑھیں : گونگی بہری لڑکی سے زیادتی کا الزام، پولیس نے باپ اور 2 بیٹوں کو گرفتار کرلیا