ٹوئٹر کمائی کا ذریعہ بن گیا ،کمپنی نے بڑی پیشکش کردی

(ویب ڈیسک)سماجی رابطے کی ویب سائٹ ٹوئٹر نے اپنے صارفین کو اشتہارات سے ہونے والی آمدنی میں حصہ دینے کا اعلان کر دیا۔

سماجی رابطے کی ویب سائٹ ٹوئٹر نے اعلان کیا ہے کہ ویڈیوز بنانے والوں کو اُن اشتہارات کی کمائی میں حصہ ملے گا جو پوسٹ کے ریپلائز میں ظاہر ہو رہے ہوتے ہیں تاہم صرف تصدیق شدہ اکاؤنٹس اس کے اہل ہوں گے اور جن کی پوسٹس گزشتہ تین ماہ میں 50 لاکھ مرتبہ دیکھی جا چکی ہوں۔ٹوئٹر کا کہنا ہے کہ ادائیگی کے لیے صارف کا سٹرائپ پر اکاؤنٹ ہونا لازمی ہے۔کمپنی کی کوشش ہے کہ زیادہ سے زیادہ ویڈیوز بنانے والوں کو پلیٹ فارم کی جانب راغب کیا جائے۔

As previously reported, Twitter will require “5M+ Tweet impressions in each month for the last 3 months" to be eligible for Ad Revenue sharing. pic.twitter.com/BqWm2mBXCJ

— T(w)itter Daily News  (@TitterDaily) July 13, 2023

سوشل میڈیا کمپنی نے اپنی پوسٹ میں کہا کہ صارفین کو ٹوئٹر سے براہ راست کمانے میں مدد فراہم کرتے ہوئے "کریٹر ایڈز ریوینیو شیئرنگ" کے نام سے پروگرام لانچ کر دیا ہے۔

ایک اور ٹویٹ میں کمپنی نے کہا کہ  وہ اپنے صارفین کو ہونے والی آمدنی میں سے حصہ اگلے 72 گھنٹے میں فراہم کر دے گا۔ ٹوئٹر نے اعلان کیا کہ ہمیں اشتہاراتی آمدنی میں سے ایک حصہ اپنے صارفین کے ساتھ شیئر کرتے ہوئے خوشی محسوس ہو رہی ہے۔

ٹوئٹر نے صارفین کو مخاطب کرتے ہوئے کہا کہ ہم اس بات کو یقینی بنانا چاہتے ہیں کہ بطور تخلیق کار آپ بھی اپنی شیئر کردہ پوسٹ سے فائدہ اٹھا سکیں اور اگلے 72 گھنٹے میں آپ کو حصہ فراہم کر دیا جائے گا۔

BREAKING: Twitter Ad Revenue sharing is going live within the next 72 Hours! ???? pic.twitter.com/VicAHFSQhn

— T(w)itter Daily News  (@TitterDaily) July 13, 2023

ٹوئٹر نے کہا کہ رواں ماہ میں ہی اس پروگرام کو مزید آگے بڑھایا جائے گا اور تمام اہل صارفین اس کے لیے اپلائی کر سکیں گے۔

یاد رہے کہ رواں سال کے آغاز میں بھی ٹوئٹر نے صارفین کو اجازت دی تھی کہ وہ اپنے شائع کیے گئے ویڈیوز مواد کو سبسکرائب کروا کر پیسے کما سکتے ہیں۔

ٹوئٹر کے مالک ایلون مسک نے کہا تھا کہ سبسکرپشن فیس سے ہونے والی کمائی کا پورا حصہ پہلے سال میں ویڈیوز بنانے والوں کو ملے گا۔