لاہور کی لبرٹی مارکیٹ میں ’’ کیش لیس‘‘ خریداری کا آغاز کر دیا گیا

(ویب ڈیسک)پنجاب حکومت نے ایک اور سنگ میل عبور کرتے ہوئے لاہور کی لبرٹی مارکیٹ میں ڈیجیٹل پنجاب ویژن کے تحت کیش لیس خریداری کا آغاز کر دیا۔

تفصیلات کے مطابق  ڈپٹی کمشنر لاہور نے لبرٹی مارکیٹ میں کیش لیس مارکیٹ کا افتتاح کر دیا ،تقریب کا انعقاد زندگی (جے ایس بینک)، اسٹیٹ بینک اور تاجران لبرٹی مارکیٹ نے کیا ۔

ڈپٹی کمشنر لاہور کو کیش لیس ادائیگی کے جدید اور محفوظ طریقہ کار پر بریفنگ دی گئی ،کیش لیس نظام سے شہریوں اور تاجروں کے لیے شفاف اور تیز ترین ادائیگی ممکن ہوگئی ۔

ڈی سی لاہور کیپٹن (ر) محمد علی اعجاز کا کہنا ہے کہ کیش لیس نظام کو شہر کی دیگر مارکیٹوں تک پھیلانے کے جامع پلان پر عملدرآمد کیا جائے، کیش لیس ماڈل کی کامیابی کے لیے تاجر برادری سے مسلسل رابطہ رکھا جائے ۔

 ڈیجیٹل معیشت کا فروغ وقت کی اہم ترین ضرورت ہے،لاہور کو جدید ڈیجیٹل شہر بنانے کے لیے ہر ممکن اقدام اٹھا رہے ہیں۔
 

یہ بھی پڑھیں:آپریشن غضب للحق ، پاک افواج کے افغانستان میں کامیاب فضائی حملے