دیامر :سیلابی ریلوں نے تباہی مچادی، متعدد مکانات، رابطہ پل اور واٹرچینلز تباہ

(ویب ڈیسک )دیامر میں گزشتہ رات مختلف وادیوں میں سیلابی ریلوں نے بڑے پیمانے پر تباہی مچا دی۔

مقامی پولیس کے مطابق سیلابی ریلوں سے متعدد مکانات، درخت، فصلیں، رابطہ پل، پن چکیاں اور واٹرچینلز تباہ ہوئے، شاہراہِ قراقرم بھی مختلف مقامات پر لینڈسلائیڈنگ ہوئی ہے۔

چلاس میں گونر فارم نرسری کے قریب سیلابی ریلے کے بعد شاہراہِ قراقرم رات سے ٹریفک کے لیے بند ہے، شاہراہِ قراقرم کی بندش سے سڑک کے دونوں اطراف گاڑیوں کی لمبی قطاریں لگ گئیں۔

رپورٹس کے مطابق پھنسے ہوئے مسافروں میں بچے، خواتین اور بزرگ بھی شامل ہیں، مسافروں کو شدید مشکلات کا سامنا ہے، مسافروں نے حکومت سے شاہراہِ قراقرم فوری طور پر ٹریفک کے لیے بحال کرنے کا مطالبہ کیا ہے۔

 یہ بھی پڑھیں:جنرلز ہمیں مرنے کیلئے چھوڑ کر بھاگ گئے!امریکی فوجیوں کے اپنی قیادت پر سنگین الزامات

متاثرہ علاقوں میں نقصانات کا تخمینہ لگانے اور سڑکوں اور پلوں کی بحالی کے لیے متعلقہ اداروں کی کارروائیاں جاری ہیں۔