میرا گھر سکیم :عوام کے لیے بڑی خوشخبری

(24 نیوز ویب ڈیسک )سٹیٹ بینک آف پاکستان کے تحت  میرا پاکستان میرا گھر سکیم نظر ثانی شدہ خصوصیات کے ساتھ ماہ اگست کے اختتام تک شروع کر دی جائے گی ۔

تفصیلات کےمطابق حکومت سے منظوری کے بعد 31 اگست  2022 تک سکیم کی نئی خصوصیات کو حتمی شکل دے کر شروع کر دیا جائےگا ۔ سٹیٹ بینک  کے مطابق  سکیم کے تحت بینکوں نے ان افراد کو بھی قرض دیے جن کا کوئی  رسمی ذریعہ آمدن نہ تھا ، غیر رسمی ذریعہ آمدن والے افراد کیلئے سکور کارڈ بنایا گیا ۔مرکزی بینک  کے مطابق اب تک  500 ارب روپے مالیت قرض کیلئے درخواستیں موصول ہو چکی ہیں جبکہ 236 ارب روپے کے قرض کی منظوری دی جا چکی ہے ۔

واضح رہے کہ سٹیٹ بینک ملک میں رہن مالکاری کے تناسب کو بہتر بنانے کیلئے مصروف عمل ہے ، جن درخواست گزاروں کے قرض کی کچھ رقم کی فراہم باقی ہے انہیں  31 اگست تک انتظار نہیں کرنا چاہئے ۔