گنیز بُک میں نام آنے سے قبل ہی 104 سالہ خاتون چل بسیں

(ویب ڈیسک) شکاگو کی 104 سالہ خاتون ڈوروتھی ہوفنر گزشتہ ہفتے اسکائی ڈائیونگ کیلئے امید میں گئی تھیں کہ وہ ایسا کرنے والی سب سے عمر رسیدہ خاتون بن جائیں گی، انتقال کر گئیں۔ 

ڈوروتھی ہوفنر شکاگو میں پیدا ہوئیں اور وہیں پرورش پائی۔ ڈوروتھی ہوفنز کی قریبی دوست جو کونینٹ نے اے پی کو بتایا کہ پیر کی صبح ڈوروتھی شکاگو میں واقع سینیئر لیونگ کمیونٹی (بزرگ شہریوں کی رہائش گاہ) میں مردہ پائی گئی تھیں۔  ڈوروتھی ہوفنر اتوار کی رات کو سوئیں اور نیند کے دوران ہی ان کی موت واقع ہوگئی۔

اسکائی ڈائو شکاگو کے مطابق، ’ہم ڈوروتھی کے انتقال پر بہت افسردہ ہیں اور ان کے عالمی ریکارڈ اسکائی ڈائیو کو حقیقت کا روپ دینے کا حصہ بننے پر فخر محسوس کرتے ہیں۔‘

Dorothy Hoffner, a 104-year-old Chicago woman whose recent skydive could see her certified by Guinness World Records as the oldest person to ever jump from a plane, has died. https://t.co/uRYygz0T37

— The Associated Press (@AP) October 10, 2023

امریکہ میں  لوگ شکاگو کی رہائشی خاتون کے انتقال پر سوگ منا رہے ہیں جو اسکائی ڈائیونگ کرنے والی سب سے عمر  رسیدہ  خاتون تھیں۔ ہوفنر نے گزشتہ ہفتے 120 میل فی گھنٹہ کی رفتار سے لینڈنگ سے قبل طیارے سے چھلانگ لگائی تھی۔

اسکائی ڈائو شکاگو گنیز بک آف ورلڈ ریکارڈز کے ساتھ مل کر کام کر رہی ہے تاکہ وہ اسکائی ڈائیونگ کرنے والی دنیا کی معمر ترین خاتون بن سکیں۔

A 104-year-old Chicago woman is hoping to be certified as the oldest person to ever skydive after making a tandem jump from 13,500 feet in northern Illinois. pic.twitter.com/mbvswqQ2WO

— The Associated Press (@AP) October 3, 2023

مزید پڑھیں: 31 انڈوں کا آملیٹ کھائیں اور 1 لاکھ روپے لے جائیں

اسکائی ڈائو شکاگو نے ایک بیان میں کہا کہ ان کی وراثت اس لیے اور بھی قابل ذکر ہے کیونکہ دنیا نے ان کی متاثر کن کہانی پر توجہ دی ہے۔

خاتون اس سے قبل 100 سال کی عمرمیں بھی اسکائی ڈائیونگ کر چکی تھیں۔ ہوفنرنے دسمبر میں اپنی 105ویں سالگرہ منانی تھی۔ اس موقع پر ان کا کہنا تھا کہ اب وہ گرم ہوا کے غبارے میں بھی سوار ہونا چاہتی ہیں۔