ٹرمپ کا ایلون مسک کی حمایت میں نئی برینڈڈ ٹیسلا گاڑی خریدنے کا اعلان

(ویب ڈیسک) امریکی صدر ڈونلڈ ٹرمپ نے ایلون مسک کی حمایت میں نئی برینڈڈ ٹیسلا گاڑی خریدنے کا اعلان کیا ہے۔

صدر ٹرمپ کا کہنا ہے کہ اپنے ڈونر اور قریبی ایڈوائزر ایلون مسک کی حمایت کے طور پر ٹیسلا گاڑی خریدوں گا، ایلون مسک امریکی قوم کیلئے بہترین خدمات انجام دے رہے ہیں،صدر ٹرمپ کے دوسرے دور حکومت میں امریکی حکومت کے اخراجات کم کرنے کیلئے ایڈوائزر بننے پر ایلون مسک کو اپنی پالیسیوں کی وجہ سے شدید تنقید کا سامنا ہے۔

 اس صورتحال اور تنقید کے باعث ٹیسلا کمپنی کو بھی احتجاج اور عدالتی فیصلوں اور قانونی مسائل کا سامنا ہے۔

یہ بھی پڑھیں: سٹیل اور ایلومینیم پر 50 فیصد اضافی ٹیرف لگانے کی ہدایت کر دی: ٹرمپ