صدر ٹرمپ نے ایران پر حملے منسوخ کردیئے

(ویب ڈیسک) امریکہ کے صدر ڈونلڈ ٹرمپ نے آج جمعرات اور جمعہ کی درمیانی رات ایران پر شدید حملے کرنے کے منصوبہ کو منسوخ کر دیا۔ اس سے پہلے آج شام ہی صدر ٹرمپ نے اعلان کیا تھا کہ ایران  معاہدہ کرنے کے لئے تعاون نہیں کر رہا ہے اس لئے آج امریکہ ایران پر زیادہ شدید حملے کرے گا۔ 

اب صدرڈونلڈٹرپ نے ٹروتھ سوشل  پر کہاہے۔اس حقیقت کی بنیاد پر کہ ایران کے ساتھ بات چیت کو ایرانی قیادت کے اعلیٰ ترین سطح پر لے جایا گیا اور اس کی منظوری دی گئی ہے، (اس کام میں وقت لگتا ہے۔) میں نے بحیثیت امریکہ، آج شام ایران کے خلاف طے شدہ حملوں اور بمباری کو منسوخ کر دیا ہے۔

 اس بات چیت اور حتمی نکات کی، تصوراتی اور تفصیلی دونوں لحاظ سے، اس میں شامل تمام فریقین بشمول امریکہ، اسرائیل، سعودی عرب، متحدہ عرب امارات، قطر، ترکی، پاکستان، بحرین، کویت، اردن، مصر اور دیگر کی طرف سے منظوری دے دی گئی ہے۔ سمندری ناکہ بندی اس وقت تک مکمل طور پر نافذ العمل رہے گی جب تک یہ معاہدہ حتمی شکل اختیار نہیں کر لیتا، دستخط کی جگہ اور وقت کا اعلان جلد ہی کیا جائے گا۔"