واٹس ایپ کا صارفین کیلئے زبردست فیچر متعارف

(24نیوز) واٹس ایپ نے صارفین کو بہتر سروس فراہم کرنے کیلئےاپنے انٹرفیس میں کچھ اضافہ کیا ہے، WABetaInfo کے مطابق دوبارہ ڈیزائن کیا گیا انٹرفیس آخر کار iOS صارفین کے لیے ایپ اسٹور پر جاری کردہ تازہ ترین ورژن اپ ڈیٹ کے ساتھ دستیاب ہے۔

نیا انٹرفیس صارفین کو ایک منفرد تجربہ فراہم کرے گا کیونکہ ایپ میں ایک پارباسی ٹیب اور نیوی گیشن بار شامل کیے گئے ہیں۔

واضح رہے کہ اسی طرح کا انٹرفیس پہلے iOS 7 کے صارفین کے لیے دستیاب تھا لیکن نامعلوم وجوہات کی بنا پر اسے بند کر دیا گیا تھا۔ تاہم انٹرفیس ایپ اسٹور پر تازہ ترین ورژن اپ ڈیٹ کے ساتھ آئی فون صارفین کے لیے متعارف کرایا گیا۔

مزید پڑھیں: پاکستان سٹاک ایکس چینج دنیا کی بہترین سٹاک مارکیٹ بن گئی

واٹس ایپ نیوز ٹریکر نے ریلیز کی تصدیق کرتے ہوئے کہا۔"اب ہم اس بات کی تصدیق کر سکتے ہیں کہ ایپ سٹور سے ایپ کی تازہ ترین اپڈیٹ کے ساتھ ایک ٹوئیک انٹرفیس بالآخر مزید صارفین کے لیے دستیاب ہے۔