دوسرا ون ڈے: نیوزی لینڈ کا پاکستان کو 262 رنز کا ہدف

(ویب ڈیسک) دوسرے ون ڈے انٹرنیشنل میں نیوزی لینڈ نے پاکستان کو جیت کے لیے 262 رنز کا ہدف دے دیا۔ 

نیشنل بینک کرکٹ ایرینا (نیشنل اسٹیڈیم) کراچی میں کھیلے جارہے سیریز کے دوسرے میچ میں نیوزی لینڈ کے کپتان کین ولیمسن نے ٹاس جیت کر پہلے بیٹنگ کرنے کا فیصلہ کیا۔ 

پہلے ہی اوور میں ایک مرتبہ پھر نسیم شاہ قومی ٹیم کو وکٹ دلوانے میں کامیاب رہے، اس مرتبہ انہوں نے فن ایلن کو ایک کے مجموعے پر کیچ آؤٹ کیا۔ 

اس کے بعد کیوی کپتان کین ولیمسن اور ڈیون کونوے کے درمیان 182 رنز کی شاندار پارٹنرشپ بنی۔ اس دوران کونوے نے اپنی سنچری بھی مکمل کی۔ 

9️⃣ wickets taken and 7️⃣8️⃣ runs conceded in the last 20 overs ????

Wonderful fightback by the bowlers ????#PAKvNZ | #TayyariKiwiHai pic.twitter.com/JNfmhacsBo

— Pakistan Cricket (@TheRealPCB) January 11, 2023

خطرناک دکھائی دینے والی اس پارٹنرشپ کو نسیم شاہ نے ہی توڑا، جب 183 کے مجموعے پر نسیم نے کونوے کو خوبصورت انداز میں بولڈ کیا۔ 

.@iNaseemShah gets the centurion Devon Conway with a beauty! ????#PAKvNZ | #TayyariKiwiHai pic.twitter.com/kcHoHJXEqk

— Pakistan Cricket (@TheRealPCB) January 11, 2023

اس کے بعد اسپنر محمد نواز نے اپنی جادوئی اسپن کا نشانہ بناتے ہوئے 4 کیوی کھلاڑیوں کو آؤٹ کیا۔  جن میں 83 رنز پر موجود کین ولیمسن بھی شامل تھے۔ 

Review aced ✅

Two wickets in the over for @mnawaz94 ????#PAKvNZ | #TayyariKiwiHai pic.twitter.com/5ZsozcKsuY

— Pakistan Cricket (@TheRealPCB) January 11, 2023

ایک جانب جہاں وکٹیں گرنے کا سلسلہ جاری رہا وہیں مچل سینٹنر نے 37 رنز کی ذمہ دارانہ اننگز کھیل کر اپنی ٹیم کے ٹوٹل کو 261 تک پہنچایا۔

نیوزی لینڈ ٹیم میں ایک جبکہ قومی ٹیم میں کوئی تبدیلی نہیں کی گئی ہے۔

نیوزی لینڈ ٹیم میں کپتان کین ولیمسن، ڈیون کونوے، فن ایلن، ڈیرل مچل، ٹام لیتھم گلین فلپس، مائیکل برائسویل، مچل سینٹنر، اش سودھی، ٹم ساودی اور لوکی فرگیوسن شامل ہیں۔

نیوزی لینڈ ٹیم میں ہینری شپلےکی جگہ اش سودھی کی واپسی ہوئی ہے۔

قومی ٹیم کے کپتان بابر اعظم  کا کہنا ہے کہ ٹاس جیت جاتے تو پہلے بولنگ کرتے، شروع میں پچ پر نمی ہےجس سے فائدہ اٹھانےکی کوشش کریں گے۔

بابر اعظم نے کہا کہ اسامہ میر کو موقع دیا انکی کارکردگی سےمطمئن ہیں۔

واضح رہے کہ نیوی لینڈ کی ٹیم دوسرا ون ڈے  سابق کرکٹر بروس مرے کے سوگ میں بازوؤں پر سیاہ پٹی باندھ کر کھیل رہی ہے۔

سابق کرکٹر بروس مرے گزشتہ روز 82 سال کی عمر میں انتقال کرگئے تھے۔

یاد رہے کہ سیریز کا پہلا میچ پاکستان نے 6 وکٹ سے جیتا تھا جبکہ آخری میچ جمعہ کو کراچی میں ہی شیڈول ہے۔